રોહિત શર્માની કપ્તાની હેઠળ ભારતીય ટીમે શાનદાર પ્રદર્શન કર્યું છે અને T20 વર્લ્ડ કપ 2024ની સેમિફાઇનલમાં પ્રવેશ કર્યો છે. ભારતીય ટીમે સોમવારે સુપર-8 રાઉન્ડમાં ઓસ્ટ્રેલિયા સામે તેની છેલ્લી મેચ રમી હતી, જેમાં તેણે 24 રને જીત મેળવી હતી. આ હાર બાદ હવે ઓસ્ટ્રેલિયા પર બહાર થવાનો ખતરો છે. જ્યારે અફઘાનિસ્તાનની ટીમ ઘણી ખુશ દેખાઈ રહી છે. મંગળવારે સવારે અફઘાનિસ્તાન અને બાંગ્લાદેશ વચ્ચે મેચ રમાશે. જો અફઘાનિસ્તાન આમાં જીતશે તો તે સેમિફાઇનલમાં પહોંચી જશે અને ઓસ્ટ્રેલિયા બહાર થઈ જશે. જ્યારે અફઘાનિસ્તાન હારશે તો ઓસ્ટ્રેલિયા સેમીફાઈનલમાં પહોંચી જશે.
The juggernaut will continue to roll on 🔥🇮🇳
India become the third team to book a semi-final berth with a superb win over Australia 🙌#T20WorldCup #AUSvIND pic.twitter.com/vvzwgpjXZv
— T20 World Cup (@T20WorldCup) June 24, 2024
ભારતીય ટીમ સેમિફાઈનલમાં ઈંગ્લેન્ડ સામે ટકરાશે
ભારતીય ટીમ હવે 27 જૂને તેની સેમિફાઇનલ મેચ રમશે. જ્યાં તેનો મુકાબલો ગ્રુપ-2માં બીજા સ્થાને રહેલી ઈંગ્લેન્ડની ટીમ સાથે થશે. આ સેમિફાઇનલ મેચ ભારતીય સમય અનુસાર રાત્રે 8 વાગ્યાથી ગયાનાના પ્રોવિડન્સ સ્ટેડિયમમાં રમાશે. બીજી સેમિફાઇનલ પણ 27 જૂને સવારે 6 વાગ્યે યોજાશે. આમાં દક્ષિણ આફ્રિકાનો મુકાબલો ઓસ્ટ્રેલિયા અથવા અફઘાનિસ્તાન સાથે થશે.
India advance to the semi-finals of the #T20WorldCup 2024 🔥🇮🇳
Rohit Sharma’s marvellous 92 combined with a superb bowling effort hand Australia a defeat in Saint Lucia 👏#AUSvIND | 📝: https://t.co/jiMD4ikocg pic.twitter.com/QugKTj031k
— T20 World Cup (@T20WorldCup) June 24, 2024
ભારત અને ઓસ્ટ્રેલિયા વચ્ચેની આ મેચ ગ્રોસ આઈલેટના ડેરેન સેમી નેશનલ ક્રિકેટ સ્ટેડિયમમાં રમાઈ હતી. મેચમાં ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમે 206 રનનો લક્ષ્યાંક આપ્યો હતો. જવાબમાં ઓસ્ટ્રેલિયાની ટીમ 7 વિકેટ ગુમાવીને 181 રન જ બનાવી શકી હતી. ઓસ્ટ્રેલિયા માટે ઓપનર ટ્રેવિસ હેડે 43 બોલમાં 76 રનની ઈનિંગ રમી હતી, પરંતુ તે ટીમને જીત સુધી લઈ જઈ શક્યો નહોતો. તેના સિવાય કેપ્ટન મિચેલ માર્શે 37 રન અને ગ્લેન મેક્સવેલે 20 રન બનાવ્યા હતા. જ્યારે ભારતીય ટીમ માટે ફાસ્ટ બોલર અર્શદીપ સિંહે 3 અને સ્પિનર કુલદીપ યાદવે 2 વિકેટ ઝડપી હતી. જ્યારે જસપ્રિત બુમરાહ અને અક્ષર પટેલે 1-1 વિકેટ લીધી હતી.
A fine display with the bat 🏏
Rohit Sharma is the @aramco POTM award 🙌#AUSvIND #T20WorldCup pic.twitter.com/vvuB2EA9Ut
— T20 World Cup (@T20WorldCup) June 24, 2024
રોહિતે 19 બોલમાં ફિફ્ટી ફટકારી
મેચમાં ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમે 5 વિકેટ ગુમાવીને 205 રન બનાવ્યા હતા. ટીમની શરૂઆત ખૂબ જ ખરાબ રહી હતી. તેણે 6 રનમાં વિરાટ કોહલી (0)ના રૂપમાં પ્રથમ વિકેટ ગુમાવી હતી. આ પછી કેપ્ટન રોહિત શર્માએ ઋષભ પંત સાથે મળીને 38 બોલમાં 87 રનની ભાગીદારી કરીને ટીમને આગળ ધપાવી હતી. આ સાથે રોહિતે 19 બોલમાં ફિફ્ટી ફટકારી હતી. જોકે તે પોતાની સદી પૂરી કરી શક્યો ન હતો. રોહિતે આ મેચમાં 41 બોલમાં 92 રનની શાનદાર ઇનિંગ રમી હતી. આ દરમિયાન રોહિતે 8 સિક્સર અને 7 ફોર ફટકારી હતી. તેમના સિવાય સૂર્યકુમાર યાદવે 31 રન, શિવમ દુબેએ 28 રન, હાર્દિક પંડ્યાએ 27 અણનમ રન બનાવ્યા હતા. ઓસ્ટ્રેલિયા તરફથી માર્કસ સ્ટોઈનિસ અને મિચેલ સ્ટાર્કે 2-2 વિકેટ ઝડપી હતી. જ્યારે જોશ હેઝલવુડને 1 વિકેટ મળી હતી.
રોહિતે T20 ઇન્ટરનેશનલમાં 200 સિક્સરનો રેકોર્ડ બનાવ્યો હતો
મેચમાં પાંચમી સિક્સ ફટકારીને, રોહિતે T20 ઈન્ટરનેશનલમાં તેની 200 સિક્સ પૂરી કરી લીધી છે અને તે આવું કરનાર વિશ્વનો પ્રથમ ક્રિકેટર બન્યો છે. આ યાદીમાં રોહિત (203) પછી ન્યુઝીલેન્ડનો માર્ટિન ગુપ્ટિલ (173) બીજા સ્થાને છે, જ્યારે ઈંગ્લેન્ડનો ઓપનર જોસ બટલર (137) ત્રીજા સ્થાને છે.
રોહિતે T20 ઈન્ટરનેશનલમાં રનનો રેકોર્ડ બનાવ્યો હતો
રોહિતે વધુ એક ઐતિહાસિક રેકોર્ડ પોતાના નામે કર્યો છે. તે T20 ઈન્ટરનેશનલમાં સૌથી વધુ રન બનાવનાર ખેલાડી બની ગયો છે. આ મામલે તેણે પાકિસ્તાની કેપ્ટન બાબર આઝમને હરાવ્યો હતો. ટી20 ઈન્ટરનેશનલમાં બાબરના નામે 4145 રન છે. તે હવે બીજા સ્થાને સરકી ગયો છે. જ્યારે રોહિતે આ તાજ બાબર પાસેથી છીનવી લીધો છે. રોહિત શર્માએ T20 ઈન્ટરનેશનલમાં 157 મેચ રમીને 32.28ની એવરેજથી સૌથી વધુ 4165 રન બનાવ્યા છે. તેનો સ્ટ્રાઈક રેટ 140.80 હતો.
ઓસ્ટ્રેલિયા સામે ભારતનો દબદબો છે
ટી20 ઈન્ટરનેશનલમાં ઓસ્ટ્રેલિયા સામે ભારતીય ટીમનો દબદબો રહ્યો છે. બંને ટીમો વચ્ચે અત્યાર સુધીમાં કુલ 32 T20 મેચ રમાઈ છે, જેમાં ભારતે 20 મેચ જીતી છે, જ્યારે 11 મેચ હારી છે. એક મેચ અનિર્ણિત રહી હતી. T20 વર્લ્ડ કપમાં બંને ટીમો વચ્ચે 6 મેચ રમાઈ છે. આ સમયગાળા દરમિયાન ભારતે 4 અને ઓસ્ટ્રેલિયાએ બે જીત મેળવી હતી.
