નવી દિલ્હીઃ કોરોના મહામારીનાં લગભગ છ વર્ષ બાદ એશિયાના કેટલાક વિસ્તારોમાં ફરીથી વાયરસની નવી લહેર જોવા મળી છે. હોંગકોંગ અને સિંગાપુરમાં કોરોના વાયરસના કેસોમાં વધારો નોંધાયો છે. કોરોના વાયરસની નવી લહેરે આખી દુનિયામાં ચિંતાનો માહોલ ઊભો કર્યો છે અને આરોગ્ય નિષ્ણાતોએ એશિયામાં નવી લહેર અંગે ચેતવણી આપી છે.
છેલ્લાં કેટલાંક અઠવાડિયાઓમાં ખાસ કરીને હોંગકોંગ અને સિંગાપુર જેવા મુખ્ય એશિયન કેન્દ્રોમાં નવા સંક્રમણના અનેક કેસ નોંધાયા છે. આ બંને દેશોમાં આ વર્ષે અત્યાર સુધીમાં સંક્રમણના દરમાં સૌથી વધુ વધારો નોંધાયો છે, જેના કારણે બીજી શક્ય લહેરની આશંકા વધી છે.સત્તાવાર આંકડાઓ અનુસાર ત્રીજી મેએ પૂરા થયેલા અઠવાડિયામાં કોવિડ-19ને કારણે થતા મોત સહિત ગંભીર કેસોની સંખ્યા વધીને 31 થઈ ગઈ છે, જે આ વર્ષની સૌથી વધુ છે.
સિંગાપુરમાં કોવિડની નવી લહેર
સિંગાપુર પણ હાલ કોવિડ એલર્ટ પર છે. આ વધારો ત્રીજી મેએ અંદાજિત કોવિડ-19 કેસોની સંખ્યા ગયા અઠવાડિયા કરતાં 28 ટકા વધીને 14,200 થઈ ગઈ છે.
થાઇલેન્ડમાં પણ મળ્યો વાયરસથાઇલેન્ડમાં એપ્રિલ 2025 દરમિયાન ઉજવાયેલા સોંગક્રાન ઉત્સવ પછી ઈન્ફેક્શનના કેસો સામે આવ્યા છે.
હવે કયા વેરિઅન્ટ ફેલાઈ રહ્યા છે?
સિંગાપુરમાં LF.7 અને NB.1.8 વેરિઅન્ટ ફેલાઈ રહ્યા છે, જે JN.1 સ્ટ્રેન સાથે સંબંધિત છે. ભારતમાં પણ JN.1 વેરિઅન્ટના કેસો સામે આવ્યા છે, જેમાંથી 22 કેસ નોંધાયા છે. આ કેસો કેરળ, મહારાષ્ટ્ર, કર્ણાટક અને તમિલનાડુમાં જોવા મળ્યા છે.
