કુવૈતઃ વિશ્વનો સૌથી પ્રખ્યાત ટોય સ્ટોર હવે કુવૈતમાં ખૂલ્યો છે. કુવૈતના સૌથી મોટા અને પ્રતિષ્ઠિત લાઈફસ્ટાઇલ ધરાવતા ધ એવેન્યુઝ મોલમાં હેમલેઝે 31 મે 2025એ 1170 ચોરસ મીટરમાં ભવ્ય સ્ટોરનો પ્રારંભ કર્યો છે. ધ એવેન્યુઝ મોલ 12 થીમ આધારિત ડિસ્ટ્રિક્ટમાં 1000થી વધુ સ્ટોરોમાં ફેલાયેલો છે, જે હેમલેઝ માટે નવા ગ્રાહકોને આકર્ષિત કરવા માટેનો આ એક ઉત્તમ મંચ છે.
હેમલેઝનો કુવૈતમાં પહેલો અને GCC ક્ષેત્રમાં નવમો સ્ટોર છે, જે UAE અને કતારમાં તેની મજબૂત હાજરી પછી મિડલ ઈસ્ટમાં કંપનીની બ્રાન્ડના વિસ્તરણને આગળ વધારે છે. આ લોન્ચ હેમલેઝના મિડલ ઈસ્ટના રિટેલ ગ્રુપ સાથેના વ્યૂહાત્મક ભાગીદારીને વધુ મજબૂત બનાવે છે, જે આ ક્ષેત્રના માર્કેટમાં પ્રખ્યાત આંતરરાષ્ટ્રીય બ્રાન્ડને લાવવા માટે અગ્રણી રિટેલ ગ્રુપ છે.
હેમલેઝના અનોખા થિયેટર, જીવંત ડેમો અને ઉત્સાહભર્યા મનોરંજન સાથે સ્ટોર એક રંગબેરંગી વિશ્વ આપે છે જ્યાં કલ્પના, પ્લે અને અદભુતતામાં જીવંત બનતી જોવા મળે છે, જેમાં બધી ઉંમરનાં બાળકોને આનંદ આપતી આ જગ્યા પર મુલાકાતીઓનું સ્વાગત હેમલેઝનાં પ્રખ્યાત પાત્રો — હેમલે અને હૈતી બિયર, ધ ટોય સોલ્જર, સર્કસ રિંગમાસ્ટર અને રેગ ડોલ દ્વારા કરવામાં આવશે, જે આનંદ અને સર્જનાત્મકતાને પ્રેરિત કરે છે.
કુવૈતના ધ એવેન્યુઝમાં હેમલેઝની મુલાકાત એક અવિસ્મરણીય અનુભવ છે. અહીં 100થી વધુ બ્રાન્ડના 10,000થી વધુ ટોયઝ ઉપલબ્ધ છે. લેગો, બાર્બી, હોટ વ્હીલ્સ,માર્વલ, બિલ્ડ-એ બિયર, બેન્ડાઇ અને કેન્ડિલિશિયસ જેવી લોકપ્રિય બ્રાન્ડને હવે નવી, ઇન્ટરએક્ટિવ રીતે રજૂ કરવામાં આવી છે. ખાસ રૈલીઝ (હેમલેઝનું પોતાનું હાઈ-એનર્જી RC રેસટ્રેક) અને ધ બુટિક જેવી અનોખી ઝોન બાળકો માટે કોસ્મેટિક્સ જોઈ શકો છો એ ઉપરાંત, નેઇલ આર્ટ અને પોતાની એક્સેસરીઝ બનાવી શકાય છે, જે યુવા ગ્રાહકોને મજાનો અનુભવ આપે છે.
હેમલેઝ ગ્લોબલના CEO સુમિત યાદવ કહે છે, અમે ઘણા સમયથી કુવૈતમાં સ્ટોર ખોલવાની ઈચ્છા રાખતા હતા અને ધ એવેન્યુઝમાં સ્ટોર ખોલવો એ અમારા માટે એક નોંધપાત્ર ક્ષણ છે. આ સ્ટોર માત્ર બ્રિટિશ વારસાને નહીં, પણ આનંદ, હાસ્ય અને હસતા દરેક યુવા અને દરેક ઉંમરના લોકો માટે મહત્ત્વનો છે. નવા માર્કેટમાં હેમલેઝનું સ્વાગત હંમેશાં ઉત્સાહજનક રહ્યું છે અને અમે આશ્વસ્ત છીએ કે કુવૈત સિટી અને તેનો વર્લ્ડ-ક્લાસ મોલ પણ અપવાદ નહીં રહે.
1760માં વિલિયમ હેમલે દ્વારા સ્થપાયેલા હેમલેઝને 2019માં રિલાયન્સ બ્રાન્ડ્સ લિમિટેડ (RBL) દ્વારા અધિકૃત કરવામાં આવ્યું હતું, જે રિલાયન્સ રિટેલ વેન્ચર્સ લિમિટેડ (RRVL) — રિલાયન્સ ઇન્ડસ્ટ્રીઝ લિમિટેડની રિટેલ શાખાની સહાયક કંપની છે. હેમલેઝ હાલમાં 13 દેશોમાં 187 સ્ટોર્સ સાથે વર્લ્ડવાઈડ વિસ્તાર ધરાવે છે.
