અમરેલી: સાવરકુંડલા પંથકમાં શિક્ષણ જગતમાં હચમચાવી નાખતી ઘટના બની છે. સાવરકુંડલાના વંડા પોલીસ સ્ટેશનમાં સૃષ્ટિ વિરુદ્ધનું કૃત્ય અને દુષ્કર્મની ફરિયાદ દાખલ કરવામાં આવી છે. આ ફરિયાદ મુજબ વંડા વિસ્તારમાં એક ખાનગી શાળા અને હોસ્ટેલ આવેલી છે. અહીં વિશાલ સાવલિયા નામનો શિક્ષક ગૃહપતિ તરીકે કામ કરે છે અને રમતગમત તેમજ જનરલ વિભાગ સંભાળતો હતો અને હોસ્ટેલની સામેના રૂમમાં જ રહે છે. આરોપી શિક્ષકને પકડીને પૂછપરછ શરૂ કરી છે. આજે પોલીસ દ્વારા પત્રકાર પરિષદ યોજી મીડિયા સમક્ષ રજૂ કરવામાં આવશે.
સૂત્રોની જાણકારી પ્રમાણે અમરેલી-સાવરકુંડલા તાલુકાના વંડા વિસ્તારની એક ખાનગી શાળા શિક્ષકે શિક્ષણ જગતને શર્મશાર કરતી હરકત કરી છે. વંડા વિસ્તારમાં આવેલી ખાનગી શાળાના શિક્ષ વિશાલ સાવલિયાએ શાળામાં અભ્યાસ કરતા વિદ્યાર્થી ઉપર સૃષ્ટિ વિરૂદ્ધનું કૃત્ય આચર્યું છે. શિક્ષણજગતને શર્મશાર કરતી ઘટના સામે આવતા ખળભળાટ મચી ગયો છે. આ અંગે પોલીસ ફરિયાદ નોંધાતા પોલીસે આરોપી શિક્ષકને ઝડ્પી પાડી પૂછપરછ શરૂ કરી છે. વિદ્યાર્થી ઉપર શિક્ષક દ્વારા સૃષ્ટિ વિરુદ્ધ અને દુષ્કર્મ એટ્રોસિટી એક્ટ હેઠળ ગુનો નોંધાતા ઘેરા પ્રત્યાધાતો પડી શકે છે. ઘટનાની ગંભીરતા દાખવી ASP સહિત પોલીસ અધિકારીઓ દ્વારા તપાસનો ધમધમાટ શરૂ કરી દીધો છે. આજે 2 વાગે પોલીસ પત્રકાર પરિષદ યોજીને આરોપીને મીડિયા સમક્ષ રજૂ કરશે.
