રાજકોટ: કોરોના વાયરસ સામે લોકોને સુરક્ષિત રાખવા માટે આરોગ્ય અને પોલીસકર્મી સતત પોતાની ફરજ બજાવી રહયા છે. ત્યારે ઘણી જગ્યાએ આ કોરોના વોરીયર્સ પણ કોરોનાની ઝપેટમાં આવી ગયા છે. ત્યારે મોરબી જિલ્લામાં જીવના જોખમે લોકડાઉનની નિષ્ઠાપૂર્વક ફરજ બજાવતા પોલીસ અને જીઆરડી તથા હોમગાર્ડના જવાનોને કોરોના સામે સુરક્ષિત રાખવા માટે મોરબી જિલ્લા પોલીસ દ્વારા હેન્ડ વોશ વાહન બનાવવામાં આવ્યું છે. દરરોજ હેન્ડ વોશ વાહન 40 પોઇન્ટ ઉપર પહોંચીને ફરજ પર તૈનાત પોલીસ -જીઆરડી અને હોમગાર્ડના હેન્ડ વોશ કરી સાવચેતી રાખવામાં આવશે.
મોરબી જિલ્લા પોલીસ દ્વારા પોલીસ સહિતના સુરક્ષકર્મીઓને કારોનાથી રક્ષણ આપવા માટે હેડ વોશ વાહન બનાવવામાં આવ્યું છે. જેમાં 40 જેટલા પોઈન્ટ ઉપર જીવના જોખમે લોકડાઉનની ફરજ નિભવતા પોલીસ, જીઆરડી તેમજ હોમગાર્ડના જવાનોને કોરોના સામે રક્ષણ મળી રહે તે માટે આ વાહન મારફત દરરોજ દર બે કલાકે હેન્ડ વોશ કરાવવામાં આવશે.
ગુજરાતનું પ્રથમ એવું હેન્ડ વોશ વાહન છે કે જેનાથી પોલીસ સહિતના સુરક્ષાકર્મીઓને સુરક્ષિત રાખી શકાય છે. આ વાહન મોરબીના એ ડિવિજનમાં ફરજ બજાવતા પોલીસ કર્મચારી ચકુંભાઈ ક્લોતરાએ માત્ર રૂ 20 હજારના ખર્ચે બનાવ્યું છે. અને આજથી આ વાહનનું જિલ્લાના પોઇન્ટ ઉપર ફરવાનું શરૂ થઈ ગયું છે અને પોલીસ સહિતના સુરક્ષકર્મીઓના દર બે કલાકે હેન્ડ વોશ કરવામાં આવી રહ્યા છે.
- જીતેન્દ્ર રાદડિયા(રાજકોટ)
