વિદ્યાર્થીઓથી ધમધમતા આ વિસ્તારમાં વ્યાપેલો છે સન્નાટો

અમદાવાદ: શહેરની ગુજરાત યુનિવર્સિટીનો આખોય વિસ્તાર કોરોનાની વકરતી મહામારી અને ચેપના ભયથી એકદમ ખાલી લાગે છે. કોલેજીયન યુવાનોના વાહનોની અવરજવર થંભી ગઈ છે. માર્ગો પર મોજમસ્તી કરતાં યુવાનોના ટોળાં વગર આખોય વિસ્તાર સૂનો થઇ ગયો છે.

કોરોનાની એન્ટ્રી અને લૉકડાઉનની જાહેરાત થઈ પછી વિદ્યાર્થીઓથી ભરચક રહેતો આ વિસ્તાર જાણે નિર્જન થઇ ગયો છે. ગુજરાત યુનિવર્સિટીની આસપાસ અમદાવાદ યુનિવર્સિટી, સેપ્ટ યુનિવર્સિટી, સેન્ટ ઝેવિયર્સ ની સાથે અસંખ્ય ખાનગી શૈક્ષણિક સંસ્થાઓ આવેલી છે.

શૈક્ષણિક કાર્ય ચાલુ હોય એ દરમિયાન આખોય વિસ્તાર કોલેજીયન યુવાનો અને ખાણી પીણી બજારથી ધમધમતો હોય છે. યુનિવર્સિટીં ,એલ.ડી. કોલેજ, સેપ્ટ, એચ .એલ પાસેના ખાણીપીણી બજાર કોલેજીયનોની મસ્તી વગર ભેંકાર ભાસે છે. કોરોના કાળે આખાય યુનિવર્સિટી વિસ્તારોના કેમ્પસ અને બસ સ્ટેશનોને જાણે કે ઉજ્જડ બનાવી દીધાં છે.

(પ્રજ્ઞેશ વ્યાસ)

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]