વડોદરામાંથી ISISનો ત્રાસવાદી ઝડપાયો

વડોદરા – ગુજરાત એન્ટી-ટેરરિસ્ટ્સ સ્ક્વોડ (એટીએસ)ના અધિકારીઓએ અહીંના ગોરવા સર્કલ વિસ્તારમાંથી આજે એક ત્રાસવાદીને ઝડપી લીધો છે. એ દેશમાં ISIS ત્રાસવાદી નેટવર્કનો ફેલાવો કરી રહ્યો હતો. એનું નામ ઝફર અલી છે.

ઝફર અલી ઉર્ફે ઉમર તામિલનાડુમાં વોન્ટેડ યાદી પર છે.

ઝફર અલી એના 6 સાગરિતોની સાથે તામિલનાડુમાંથી છેલ્લા 10-12 દિવસથી ભાગી ગયો હતો. એ નવી દિલ્હીમાં ત્રાસવાદી નેટવર્ક સ્થાપવાના કૃત્યોમાં સંડોવાયેલો છે.

ગુજરાત એટીએસ અધિકારીઓએ એને ગોરવા વિસ્તારના મધુનગરમાંથી પકડ્યો હતો અને દિલ્હી પોલીસને હવાલે કરી દીધો છે.

આતંકવાદી અલી 10 દિવસ પહેલાં તામિલનાડુમાંથી જંબુસરમાં ઘૂસ્યો હતો અને ત્યાંથી વડોદરામાં ઘૂસ્યો હતો.