11 ડિસેમ્બર 2014 ના રોજ સંયુક્ત રાષ્ટ્ર મહાસભા દ્વારા દર વર્ષે તા. 21 જૂને આંતરરાષ્ટ્રીય યોગ દિવસ (International Yoga Day) તરીકે ઉજવવાનો ઠરાવ અપનાવવામાં આવ્યો ત્યારથી દર વર્ષે સાઉથ વેસ્ટર્ન એર કમાન્ડ (SWAC) હેઠળના તમામ એરફોર્સ સ્ટેશનો પર યોગ દિવસની (Yoga Day 2023) ઉજવણી કરવામાં આવી હતી. 21 જૂન 2024 ના રોજ પૂરા ઉત્સાહ સાથે તમામ કર્મચારીઓ અને તેમના પરિવારોએ પ્રવૃત્તિઓમાં ભાગ લીધો હતો.
આયુષ મંત્રાલય દ્વારા જારી કરાયેલ સામાન્ય યોગ પ્રોટોકોલ મુજબ યોગ અને ધ્યાન સત્ર હાથ ધરવામાં આવ્યું હતું. આ યોગ સત્રમાં વિવિધ આસનો (સ્ટ્રેચિંગ, સ્ટેન્ડિંગ, સિટિંગ, પ્રોન, સુપિન અને શ્વાસ લેવાની કસરત વગેરે) અને ધ્યાનનો સમાવેશ થાય છે.
એર માર્શલ નર્મદેશ્વર તિવારી, અતિ વિશિષ્ટ સેવા મેડલ, વાયુ સેવા મેડલ, સાઉથ વેસ્ટર્ન એર કમાન્ડના એર ઓફિસર કમાન્ડિંગ-ઇન-ચીફ અને રિચા તિવારી, AFFWA પ્રમુખ (પ્રાદેશિક) એ મુખ્ય મથક SWAC ખાતેના સત્રમાં હાજરી આપી હતી. AOC-in-C એ સહભાગીઓને આરોગ્ય અને સુખાકારી માટે તેમના રોજિંદા સમયપત્રકમાં યોગનો સમાવેશ કરવા માટે આગ્રહ કર્યો.
