ગુજરાત યુનિવર્સિટીમાં નવા કુલપતિની નિયુક્તી કરવામાં આવી છે. હિમાંશુ પંડ્યાની કુલપતિ તરીકેની ટર્મ પૂર્ણ થઈ રહી છે. ત્યારે ગુજરાત યુનિવર્સિટીને નવા કુલપતિ મળી ગયા છે. મહત્વની બાબત એ છે કે યુનિવર્સિટીની સ્થાપનાના 73 વર્ષ બાદ પ્રથમવાર એક મહિલાની નિયુક્તી કુલપતિ તરીકે કરવામાં આવી છે.
1949 માં સ્થાપિત રાજ્યની સૌથી મોટી ગુજરાત યુનિવર્સીટીના 18 માં કુલપતિ તરીકે મૂળ અમદાવાદી અને સાંચી યુનિવર્સિટી ઓફ બુધ્ધિસ્ટ-ઇન્ડિક સ્ટડી, સાંચી, મધ્યપ્રદેશ ના કુલપતિ ડૉ નિરજા ગુપ્તાની પસંદગી કરાઈ છે. 30 જૂને ડૉ હિમાંશુ પંડ્યાની કુલપતિ તરીકેની ટર્મ પૂર્ણ થઈ રહી હતી.
ડો.નીરજા ગુપ્તા અગાઉ ભવન્સ કોલેજના આચાર્ય રહી ચૂક્યા છે. ઉપરાંત ગુજરાત યુનિવર્સિટીમાં સિન્ડિકેટ સભ્ય, સેનેટ સભ્ય, અને ગુજરાત યુનિવર્સિટીમાં એકેડેમિક કાઉન્સિલના પણ સભ્ય રહી ચૂક્યા છે. એટલુ જ નહીં ગુજરાત સરકારના સ્ટડી ઇન ગુજરાત કેમ્પિયનના સભ્ય તરીકે પણ ડો. નીરજા ગુપ્તાએ ફરજ બજાવી છે.
નોંધનીય છે કે ડો. નીરજા ગુપ્તા આરએપીજી કોલેજ ઓફ આર્ટસ એન્ડ કોમર્સ, ભારતીય વિદ્યા ભવન, ખાનપુર, અમદાવાદ, ગુજરાત ખાતે પ્રોફેસર અને આચાર્ય રહી ચૂક્યા છે. 2006થી 2012 સુધી ડો.ગુપ્તા ગુજરાત યુનિવર્સિટી, અમદાવાદના ફોરેન એજ્યુકેસન પ્રોગ્રામના સલાહકાર રહ્યા છે. તેમણે 1992માં મેરઠ યુનિવર્સિટીમાંથી ડોક્ટરેટની પદવી મેળવી હતી. હિન્દી, સંસ્કૃત, ગુજરાતી, મરાઠી, આસામી ઉપરાંત તેઓ ઉર્દૂ પર પ્રભુત્વ ધરાવે છે.
ઉલ્લેખનીય છે કે અત્યાર સુધીમાં ગુજરાત યુનિવર્સિટીના વાઇસ ચાન્સેલર તરીકે હરસિદ્ધભાઇ દિવેટીયા, મગનભાઇ દેસાઇ, ડો. ઉમાશંકર જોષી, જસ્ચિસ નોમનભાઇ મિયાભોય, ડો. પી.સી. વૈધ જેવી વ્યક્તિઓએ ફરજ નિભાવી છે ત્યારે પ્રથમ વખત મહિલા તરીકે ડો. નિરજા ગુપ્તાની નિયુક્તી કરવામાં આવી છે.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)