ગુજરાતભરમાં ખ્યાતિ હોસ્પિટલ કાંડના પડઘા પડતા જોવા મળી રહ્યા છે. નાના ગામના ગરીબોને દર્દી બનાવી તેના ખંભે ચડી સરકારી તીજોરી પર હાથ સાફ કરનારા ખ્યાતિ ગ્રુપને લઈ કોંગ્રેસ પણ મેદાને આવી છે.
કોંગ્રેસે સરકાર પર આક્ષેપ કરતા સરકારી જમીનનો દુરુપયોગ કરી કરોડો કમાનારા સામે લેન્ડ ગ્રેબિંગ જેવા ગુનાહ નોંધી ઉદાહરણ પૂરું પાડવાની વાત કરી હતી. આ ઉપરાંત સરકાર પર પ્રશ્નો પણ ઉઠાવ્યા હતા કે, શું આ પ્રકારના ભ્રષ્ટાચારી ઉપર દાદાનું બુલડોઝર ફરશે ચમરબંધી ઉપર પગલાં લેવાશે? અમે માંગ કરીએ છે કે 350 કરોડ રૂપિયાથી વધારેની કિંમતની જમીન ઉપર કાર્તિક પટેલ અને ખ્યાતિ વર્લ્ડ સ્કૂલ જે પ્રકારના વેપલા કરે તે જમીનમાં નિયમ મુજબ તાત્કાલિક સરકારી પડતર દાખલ કરવામાં આવે અને કડક પગલાં લેવામાં આવે.
કોંગ્રેસે ખ્યાતિ ગ્રુપને લઈ સરકારને આડે હાથ લેતા કેટલાક આક્ષેપો કર્યા છે. ગુજરાત પ્રદેશ કોંગ્રેસ સમિતિના પ્રવક્તા પાર્થિવરાજસિંહ કઠવાડીયાએ ખ્યાતિ ગ્રુપે બીજા 350 કરોડના કોંભાડ કર્યા હોવાનો દાવો કર્યો છે. જેમાં ગાંધીનગર નજીક કલોક તાલુકાના રાંચરડામાં આવેલ ખ્યાતિ વર્લ્ડ સ્કૂલની 33 વીઘાથી વધુની જમીન જે હેતુ માટે આપેલી તેનું જાહેરમાં ઉલ્લંઘન કરવામાં આવ્યું હોવાની વાત કરી હતી. સરકારી ચોપડા પ્રમાણે આ જમીન વિનય કમલેશ ગુરુકુળ બનાવવામાટે ફાળવવામાં આવી હતી. ‘વિનય કમલેશ ગુરુકુળ’ સંસ્થા દ્વારા આ જમીનને કેલોરેક્સ ફાઉન્ડેશનને ભાડા કરાર કરીને પધરાવવામાં આવી. જે સરકારને જાણ થતાં ગાંધીનગરના જિલ્લા કલેકટર દ્વારા સંપૂર્ણ જમીનને સરકાર હસ્તક લેવાનો આદેશ કરવા માં આવ્યો હતો.
આ દરમિયાન કાર્તિક પટેલ જે ખ્યાતિ ગ્રુપનો મુખ્યા છે તે ‘વિનય કમલેશ ગુરુકુળ’ માં દાખલ થાય છે. ગાંધીનગર જીલ્લા કલેક્ટરના જમીનના સરકારી પડતર દાખલ કરવાનો હુકમ અને અધિક સચિવના કલેક્ટરના નિર્ણયને રદ કરવાના નિર્ણય પહેલા જ સંસ્થા દ્વારા ખ્યાતિ વર્લ્ડ સ્કુલની મંજુરી મેળવીને શરૂ કરી દેવામાં આવી હતી. શર્ત ભંગ થાયતો જમીનમાં સરકારી પડતર થાય તેવું લેખિતમાં હતું તો કયા આધારે અધિક સચિવએ આ સંસ્થાને ફાયદો કરાવ્યો?
સરકારી અધિકારીએ આ નિર્ણય સરકારના કોઈ નેતાની સૂચનાથી લીધો છે ? કે સચિવ કક્ષા એ મોટો ભ્રષ્ટાચાર થયો છે? તે મોટો પ્રશ્ન છે. આ તમામ જમીનમાં ક્યાં કાર્તિક પટેલનું નામ નથી , સંસ્થા જયંતીભાઈ પટેલ નામે રજિસ્ટર છે, ત્યારે તે જમીનમાં શરૂ કરેલ ખ્યાતિ વર્લ્ડ સ્કૂલના ચેરમેન કાર્તિક પટેલ કેવી રીતે બની ગયા તે સમજાતું નથી? અને આ ટ્રસ્ટમાં કાર્તિક પટેલ કેવી રીતે દાખલ થયા તેની પણ તપાસ થવી જોઈએ.
ખ્યાતિ હોસ્પિટલનો ફરાર કાર્તિક પટેલ હાલમાં પણ જગન્નાથ મંદિરના ટ્રસ્ટી તરીકે ચાલુ છે. ટ્રસ્ટે નૈતિકતાથી આવા ભાગેડુ આરોપીને ટ્રસ્ટે બરતરફ કરીને ધર્મ પ્રેમી જનતાનો વિશ્વાસ કાયમ રાખવો જોઈએ.
વધુમાં ટ્રસ્ટના કથિત જમીન કૌભાંડમાં કાર્તિક પટેલની શું ભૂમિકા હતી તેની પણ સરકાર તપાસ કરે. pic.twitter.com/8mDdSeD1Ri— Hemang Raval (@hemangmraval) November 21, 2024
જ્યારે બીજી બાજું ગુજરાત કોંગ્રેસના સહ-સંયોજક અને પ્રવક્તા હેમાંગ રાવલે પણ ભાગેલા ખ્યાતિ હોસ્પિટલના માલિક કાર્તિક પટેલને ટ્વીટ (એક્સ) પોસ્ટ કરી હતી. જેમાં જણાવવામાં આવ્યુ હતુ, ‘ખ્યાતિ હોસ્પિટલનો ફરાર કાર્તિક પટેલ હાલમાં પણ જગન્નાથ મંદિરના ટ્રસ્ટી તરીકે ચાલુ છે. ટ્રસ્ટે નૈતિકતાથી આવા ભાગેડુ આરોપીને ટ્રસ્ટે બરતરફ કરીને ધર્મ પ્રેમી જનતાનો વિશ્વાસ કાયમ રાખવો જોઈએ’. વધુમાં સરકારને અપિલ કરતા કહ્યું કે ટ્રસ્ટના કથિત જમીન કૌભાંડમાં કાર્તિક પટેલની શું ભૂમિકા હતી તેની પણ સરકાર તપાસ કરે.
