બે વખતના હેવીવેઇટ ચેમ્પિયન અને સુપ્રસિદ્ધ બોક્સર મુહમ્મદ અલી સામે ઐતિહાસિક ‘રમ્બલ ઇન ધ જંગલ’ મુકાબલાના વિજેતા જ્યોર્જ ફોરમેનનું શુક્રવારે રાત્રે નિધન થયું છે. તેઓ 76 વર્ષના હતા. તેમના પરિવારે સોશિયલ મીડિયા પર આ દુઃખદ સમાચારની પુષ્ટિ કરી હતી પરંતુ તેમનું મૃત્યુ ક્યાં અને કયા સંજોગોમાં થયું તે અંગે કોઈ વિગતો આપી ન હતી.
ટેક્સાસના વતની, ફોરમેન, ઓલિમ્પિક સુવર્ણ ચંદ્રક જીતીને પોતાની કારકિર્દીની શરૂઆત કરી. 1973માં તેમણે જો ફ્રેઝિયરને હરાવીને પ્રથમ વર્લ્ડ હેવીવેઇટ ચેમ્પિયન બન્યા. તે 20 વર્ષની ઉંમરે વિશ્વનો હેવીવેઇટ ચેમ્પિયન બન્યા, પરંતુ એક વર્ષ પછી જ મુહમ્મદ અલી સામે તેની ચેમ્પિયનશિપ હારી ગયા, જે કદાચ બોક્સિંગ ઇતિહાસની સૌથી યાદગાર લડાઈ હતી.
આ પછી ફોરમેને લાંબો વિરામ લીધો અને લગભગ 10 વર્ષ સુધી બોક્સિંગથી દૂર રહ્યા. જોકે, 1994માં તેમણે બોક્સિંગમાં ઐતિહાસિક વાપસી કરી અને 45 વર્ષની ઉંમરે માઈકલ મૂરને હરાવીને ફરી એકવાર હેવીવેઇટ ચેમ્પિયન બન્યા. આ જીતને બોક્સિંગ ઇતિહાસમાં સૌથી આઘાતજનક નોકઆઉટ્સમાંની એક માનવામાં આવે છે, કારણ કે મૂરર તેના કરતા 19 વર્ષ જુનિયર હતો. 45 વર્ષની ઉંમરે, ફોરમેન હેવીવેઇટ ચેમ્પિયનશિપ જીતનાર સૌથી મોટી ઉંમરના વ્યક્તિ બન્યા.
ફોરમેન ફક્ત રિંગમાં તેમના શક્તિશાળી પ્રદર્શન માટે જ જાણીતા નહોતા, પરંતુ નિવૃત્તિ પછી પણ તેમણે પોતાની જાતને અલગ બનાવી. તેમનું જીવન પ્રેરણાદાયક હતું અને તેમનો વારસો આવનારી પેઢીઓને પ્રેરણા આપતો રહેશે.
