રાવલપિંડી: પાકિસ્તાનમાં જાફર એક્સપ્રેસ ટ્રેનમાં જોરદાર થયો છે, જેમાં આ વિસ્ફોટ જાકોબાબાદ નજીક થયો છે. આ વિસ્ફોટને લીધે ટ્રેનના છ ડબ્બા પાટા પરથી ખડી પડ્યા છે. આ ટ્રેન પેશાવરથી ક્વેટા જઈ રહી હતી. આ અંગેની માહિતી મળતા જ રેલવે અધિકારીઓ અને સ્થાનિક વહીવટી તંત્ર ઘટનાસ્થળે પહોંચી ગયા છે અને રાહત કાર્ય શરૂ કરી દીધું છે.
આ અકસ્માતમાં કોઈ મુસાફરના જાનહાનિ કે ગંભીર ઈજાના અહેવાલ નથી. તમામ મુસાફરોને સુરક્ષિત રીતે બહાર કાઢવામાં આવ્યા છે અને વૈકલ્પિક વ્યવસ્થા હેઠળ તેમને મોકલવામાં આવી રહ્યા છે. જોકે આ વિસ્ફોટના કારણની તપાસ કરવામાં આવી રહી છે. કેટલાંક સૂત્રોએ શંકા વ્યક્ત કરી છે કે તે કોઈ ષડયંત્ર હોઈ શકે છે. જોકે આ અંગે હજુ સુધી સત્તાવાર પુષ્ટિ કરવામાં આવી નથી.
આ વિસ્ફોટ બાદ રેલવે ટ્રેકનું સમારકામ ઝડપથી શરૂ કરવામાં આવ્યું છે અને અન્ય ટ્રેનોની અવરજવર કામચલાઉ ધોરણે બંધ કરવામાં આવી છે. સુરક્ષા એજન્સીઓ સ્થળ પર હાજર છે અને તપાસ ચાલી રહી છે. રેલવે વહીવટી તંત્રે મુસાફરોને ધીરજ રાખવા અને સત્તાવાર માહિતીનું પાલન કરવાની અપીલ કરી છે.
જાફર એક્સપ્રેસ પાકિસ્તાનમાં પેશાવર અને ક્વેટા વચ્ચે દોડે છે. થોડા મહિના પહેલાં જ તેને બલૂચ લિબરેશન આર્મી (BLA)દ્વારા ટ્રેનને હાઇજેક કરી હતી અને મુસાફરોને બંધક બનાવ્યા હતા. આ ઘટનાને પાકિસ્તાનના રેલ્વે ઇતિહાસમાં ગંભીર સુરક્ષા ખામીઓ અને આંતરિક સંઘર્ષનું પ્રતીક માનવામાં આવે છે.
