ટાઈગર શ્રોફના માતા આયેશા સાથે રૂ.58 લાખની ઠગાઈ થઈ; મુંબઈ પોલીસમાં ફરિયાદ નોંધાવી

મુંબઈઃ બોલીવુડ અભિનેતા ટાઈગર શ્રોફના માતા અને પીઢ અભિનેતા જેકી શ્રોફના પત્ની આયેશા શ્રોફ સાથે રૂ. 58 લાખની રકમની ઠગાઈ કરવામાં આવી છે. મુંબઈના સાંતાક્રુઝ (વેસ્ટ) પોલીસ સ્ટેશને આ વિશે ફરિયાદ નોંધી છે.

અહેવાલ અનુસાર, પોલીસે આઈપીસીની કલમ – 420, 408, 465, 467 અને 468 અંતર્ગત એલન ફર્નાન્ડિસ સામે છેતરપીંડીની ફરિયાદ નોંધી છે અને તપાસ શરૂ કરી છે.

આયેશાએ અગાઉ 2015માં અભિનેતા સાહિલ ખાન સામે ફરિયાદ નોંધાવી હતી. એમણે એવો આરોપ મૂક્યો હતો કે સાહિલ ખાને એમની સાથે છેતરપીંડી કરી હતી અને એમને ગુનાહિત ધમકી આપી હતી. તે મામલો સાહિલ ખાન દ્વારા રૂ. 4 કરોડનું એક પેમેન્ટ ન કરવાને લગતો હતો.