મુંબઈઃ હોરર-કોમેડી ફિલ્મોના દીવાનાઓ માટે સારા સમાચાર છે. રાજકુમાર રાવ, અપારશક્તિ ખુરાના અને શ્રદ્ધા કપૂર સ્ટારર ફિલ્મ ‘સ્ત્રી’ને ફેન્સે ખૂબ પસંદ કરી હતી. આ ફિલ્મ પછી કેટલીય હોરર કોમેડી ફિલ્મો બની ચૂકી છે. ફેન્સના દિલમાં હજી પણ ‘સ્ત્રી’ વસેલી છે. હવે ‘સ્ત્રી 2’ની રિલીઝ ડેટ પણ જારી કરી દેવામાં આવી છે. જે પછી ફેન્સનો ઇન્તજાર ઔર વધી ગયો છે. પહેલાં અપેક્ષા હતી કે ‘સ્ત્રી 2’ આ વર્ષે રિલીઝ થઈ શકે છે.
જોકે એની સત્તાવાર ડેટ આગામી વર્ષની છે, જેનો ફેન્સ ઇન્તજાર વધુ લાંબો થઈ ગયો છે. ટીમે ખુલાસો કર્યો છે કે ‘સ્ત્રી 2’ 31 ઓગસ્ટ, 2024એ રિલીઝ થવાની છે. ગયા વર્ષે રિલીઝ થયેલી વરુણ ધવન અને કૃતિ સેનનની ફિલ્મ ‘ભેડિયા’ને પણ ફેન્સે ઘણી પસંદ કરી હતી. હવે વરુણ ધવન સ્ટારર ‘ભેડિયા 2’ની પણ સત્તાવાર જાહેરાત થઈ ગઈ છે.
આ ફિલ્મની રિલીઝ તારીખ પણ જારી કરી દેવામાં આવી છે. પાછલા દિવસોમાં જિયો સિનેમાની એક મોટી ઇવેન્ટ આયોજિત કરવામાં આવી છે, જ્યાં 100થી વધુ અપકમિંગ ફિલ્મોની જાહેરાત કરવામાં આવી છે. જે સાથે ‘સ્ત્રી 2’ અને ‘ભેડિયા 2’ જેવી હોરર કોમેડી ફિલ્મોની જાહેરાત પણ કરી દેવામાં આવી છે. 31 ઓગસ્ટ, 2024એ રિલીઝ થનારી ‘સ્ત્રી 2’ને જોવા માટે ફેન્સ આતુરતાથી રાહ જોઈ રહ્યા છે. વરુણ ધવને ‘ભેડિયા 2’ની રિલીઝ ડેટ જણાવતાં માહિતી આપી હતી કે ફિલ્મ વર્ષ 2025માં રિલીઝ થશે.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)