બેંગલુરુઃ કન્નડ સુપરસ્ટાર કિચ્ચા સુદીપે જાહેરાત અને સ્પષ્ટતા કરી દીધી છે કે પોતે કર્ણાટક વિધાનસભાની આગામી ચૂંટણી માટે રાજ્યના મુખ્ય પ્રધાન બસવરાજ બોમ્માઈને જ સમર્થન આપશે, પણ ભારતીય જનતા પાર્ટીમાં જોડાશે નહીં. પત્રકારો સાથેની વાતચીતમાં સુદીપે કહ્યું કે, ‘હું કોઈ પણ રાજકીય પક્ષમાં જોડાવાનો નથી. બોમ્માઈ સાથે મારે નાનપણથી જ સારું બને છે. હું એમને ‘મામા’ કહું છું. મારા નિર્ણયમાં રાજકારણમાં જોડાવા વિશે કે મારા વલણ વિશેનો કોઈ પ્રશ્ન જ ઉઠતો નથી. હું નાનો હતો ત્યારથી બોમ્માઈને જાણું છું. ફિલ્મ ઉદ્યોગમાં હું જ્યારે કટોકટીમાં આવી ગયો હતો ત્યારે તેઓ મારી પડખે ઊભા રહ્યા હતા. પરંતુ હું રાજકારણમાં જોડાવાનો નથી એ હું મારા પ્રશંસકોને સ્પષ્ટ કરી દઉં છું.’
દરમિયાન, બસવરાજ બોમ્મ્બાઈએ તો ચોખ્ખું જ કહ્યું છે કે, ‘સુદીપ જો મને ટેકો આપે છે તો એ ભાજપને પણ ટેકો આપે છે એમ માનવું.’
