નવી દિલ્હીઃ કાર્તિક આર્યન અને કિયારા અડવાની અભિનીત આગામી નવી હિન્દી ફિલ્મ ‘સત્યપ્રેમ કી કથા’ સેન્ટ્રલ બોર્ડ ઓફ ફિલ્મ સર્ટિફિકેશન (સીબીએફસી અથવા સેન્સર બોર્ડ)નાં સભ્યોને હાલમાં જ બતાવવામાં આવી હતી. અગાઉ એવો અહેવાલ હતો કે સેન્સર બોર્ડે કોઈ કાપ ન મૂકાવીને અને UA સર્ટિફિકેટ આપીને આ ફિલ્મને પાસ કરી દીધી છે. હવે, સૂત્રોનું કહેવું છે કે આ ફિલ્મ જોઈને સેન્સર બોર્ડનાં સભ્યો પ્રભાવિત થયાં છે.
તેમને આ ફિલ્મ બહુ ગમી છે અને તેનાં વખાણ પણ કર્યાં છે. આને કારણે નિર્માતાઓને એવી આશા બંધાઈ છે કે દર્શકોને પણ આ ફિલ્મ બહુ ગમશે.
સમીર વિદવાંસ દિગ્દર્શિત આ મ્યુઝિકલ રોમેન્ટિક લવ સ્ટોરી ફિલ્મ આવતી 29 જૂને થિયેટરોમાં રિલીઝ થવાની છે. ફિલ્મ માટેનું એડવાન્સ બુકિંગ શરૂ પણ થઈ ગયું છે.
