મુંબઈઃ બોલીવૂડ એક્ટર ટાઇગર શ્રોફ અને કૃતિ સેનન સ્ટારર અપકમિંગ ફિલ્મ ‘ગણપત પાર્ટ-1’ની રિલીઝ ડેટનો ફેન્સ આતુરતાથી રાહ જોઈએ રહ્યા છે. મંગળવારે આ ફિલ્મના પ્રોડ્યુસર જેકી ભગનાનીએ ફિલ્મની રિટીઝ ડેટ પરથી સસ્પેન્સ ખતમ કર્યું છે. જેકી ભગનાનીએ ઇન્સ્ટાગ્રામ એકાઉન્ટ પર એક પોસ્ટ શેર કરતાં ફિલ્મની તારીખ વિશે ખુલાસો કર્યો છે.
તેમણે ખુલાસો કર્યો છે કે આ ફિલ્મ 20 ઓક્ટરોબરે રિલીઝ થશે. જેકી ભગનાનીએ જે ફોટો શેર કર્યો છે, એમાં તે ટાઇગર શ્રોફ અને ફિલ્મના ડિરેક્ટર વિકાસ બહલની સાથે એક સોફામાં બેઠો છે અને તે રિલેક્સ મૂડમાં જણાઈ રહ્યો છે. આ ફોટો પોસ્ટ કરવાની સાથે જેકીએ કેપ્શનમાં લખ્યું હતું કે તે ફિલિંગ જ્યારે તમે એડિટ ‘ગણપત પાર્ટ-એક’ને લોક કરી દીધો છે. આ દશેરાએ થિયેટરોમાં મળીએ છીએ. ગણપત ઓન 20 ઓક્ટોબર, 2023. કૃતિ સેનન આ ફોટામાં મેં તને મિસ કરી હતી. ‘ગણપત પાર્ટ-એક’ને હિન્દી ઉપરાંત તમિળ, તેલુગુ અને મલયાલમ ભાષાઓમાં રિલીઝ કરવામાં આવશે.
આ ફિલ્મ રૂ. 150 કરોડના બજેટમાં બની છે અને 2014ની રોમેન્ટિક-એક્શન ફિલ્મ હીરોપંતી પછી ટાઇગર શ્રોફ અને કૃતિ સેનનની બીજી જોડી છે. ગણપત પાર્ટ-એકને પૂજા એન્ટરટેઇનમેન્ટ અને ગુડ કંપનીએ પ્રોડ્યુસ કરી છે. એનું ભારતમાં ડિસ્ટ્રિબ્યુશન UFO મુવીઝ અને આંતરરાષ્ટ્રીય સ્તરે કોકોનટ મુવીઝે કર્યું છે.
