ડ્રગ્સ કનેક્શન મામલે નેટિઝન્સનાં પ્રત્યાઘાતઃ કંગનાને સમર્થન, દીપિકાનો વિરોધ

મુંબઈઃ બોલિવુડના આજકાલ માઠા દિવસો ચાલી રહ્યા હોય એવું લાગે છે, કેમ કે સુશાંત સિંહ રાજપૂતના મોત મામલે ડ્રગ્સ એન્ગલમાં તપાસ શરૂ થયા પછી રોજ કંઈને કંઈ ધમાકેદાર સમાચાર બહાર આવી રહ્યા છે. અભિનેત્રી દીપિકા પદુકોણનું નામ ડ્રગ્સ મામલે ઊછળ્યું એ ગઈ કાલના સૌથી મોટા સમાચાર હતા. એ પછી સહ-અભિનેત્રી કંગના રણોતે એક ટ્વીટ કરીને દીપિકા પર કટાક્ષ કર્યો હતો. એ પછી કંગનાનાં સમર્થકોએ દીપિકા વિરુદ્ધ પ્રત્યાઘાત આપ્યાં અને ‘પંગા’ અભિનેત્રી કંગનાને સમર્થન આપ્યું હતું. ચાલો, જોઈએ નેટિઝન્સ શું કહે છે…

વિવિધ અહેવાલો અને વાઇરલ સ્ક્રીનશોટ્સ અનુસાર – એક ઝડપી રિકેપ- તપાસ એજન્સી NCBએ જયા સાહાના ફોન પરથી થયેલી કેટલીક ચેટ પ્રાપ્ત કરી હતી.

અહેવાલો અનુસાર, ડ્રગ્સ મામલાની તપાસ કરી રહેલી એનસીબી એજન્સીના અધિકારીઓએ દીપિકા અને એની મેનેજર કરિશ્મા પ્રકાશ વચ્ચે થયેલી એક ચેટ ‘રીસ્ટોર’ કરી છે. એમાં દીપિકા, કરિશ્મા પાસે ડ્રગ્સની માગણી કરી રહી છે. એમાં અમિત અને શૈલ નામના બે જણના નામ પણ આવે છે. આમાં હજી વધારે સ્પષ્ટ થયું નથી કે અમિત અને શૈલ કોણ છે. એવો દાવો કરાયો છે કે આ ચેટમાં દીપિકાનું કોડનેમ D છે અને કરિશ્માનું કોડનેમ K છે.

આ ચેટ વાઇરલ થતાં દીપિકા ન્યૂઝ ચેનલોની હેડલાઇન્સમાં ચમકી છે. આના પર પ્રતિક્રિયા આપતાં અને દીપિકાનાં ‘રિપીટ આફ્ટર Me’ મુવમેન્ટની મજાક ઉડાડતાં કંગના રણોતે લખ્યું હતુ કે ‘મારી જેવું કરો, ડીપ્રેશન નશાકારક દવાઓના સેવનનું જ પરિણામ છે. પોતાને ઉત્તમ દરજ્જાના ગણાવતા અને સરસ ઉછેરનો દાવો કરતા કહેવાતા ભદ્ર સમાજના શ્રીમંત સ્ટાર્સનાં સંતાનો જ તેમના મેનેજરને પૂછે છે, ”MAAL HAI KYA?”.

આમ લખીને કંગનાએ હેશટેગમાં આ દર્શાવ્યું છે – #boycottBollywoodDruggies #DeepikaPadukone”.

બસ ત્યારથી #BoycottBollywoodDruggies ટ્રેન્ડમાં આવી ગયું છે. એક ટ્વિટર યુઝરે લખ્યું છે કે બધા બોલીવૂડ ડ્રગીઝ બહિષ્કાર કરવાને લાયક છે .#BoycottBollywoodDruggies #SSRAIIMSReport”.

વાંચો એવા અમુક ટ્વીટ્સ…

 

એવી આશા રખાય છે કે દીપિકા આ વિવાદમાં પોતાનું વલણ સ્પષ્ટ કરવા માટે ટૂંક સમયમાં જ કોઈક નિવેદન બહાર પાડશે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]