નવી દિલ્હીઃ ઉર્ફી જાવેદ અતરંગી કપડાં માટે જાણીતી છે. આઉટફિટના અવનવા પ્રયોગ કરતી રહે છે અને વારંવાર આ કારણે લોકોના મેણાંટોણાં પણ સાંભળ્યા કરે છે. હાલમાં લોકોએ જ્યારે બોલીવૂડ એક્ટ્રેસ ભૂમિ પેડણેકરને જોઈ તો તેમને ઉર્ફીની યાદ આવી ગઈ હતી. નેટિઝન્સ ત્યાં સુધી કહેવા લાગ્યા કે હવે દરેક જણ ઉર્ફી બનવા ઇચ્છે છે. ભૂમિનો આ વિડિયો ખૂબ વાઇરલ થઈ રહ્યો છે.
ભૂમિએ મરૂન રંગનું સ્કર્ટ અને ટોપ પહેર્યાં હતાં. તેનું ટોપ બોડીથી એકદમ ચપોચપ હતું. લોકો કહી રહ્યા હતા કે તે શ્વાસ પણ શાંતિથી નહોતી લઈ રહી અને એ કપડાંઓમાં તે બહુ અનકન્ફર્ટ હતી. એક યુઝરે લખ્યું હતું કે હવે બધા ઉર્ફી બનવા ઇચ્છે છે, જ્યારે બીજાએ કોમેન્ટ કરી હતી કે અમને ઓરિજિનલ ભૂમિ જોઈએ છે, ના કે ફેકવાળી. એક અન્ય યુઝરે લખ્યું હતું કે તે બહુ અનકમ્ફર્ટેબલ લાગતી હતી. તે શ્વાસ પણ નથી લઈ શકતી. અન્યએ લખ્યું હતું કે તે ઉર્ફીથી શું ઓછી છે?
34 વર્ષીય ભૂમિનો એક વધુ વિડિયો ઘણો વાઇરલ થઈ રહ્યો છે. એમાં તેના એબ્સ જોઈને લોકો હેરાન છે અને બહુ ખરાબ રીતે તેને ટોણા મારી રહ્યા છે. તેની ડ્રેસિંગ સેન્સને પણ ખરાબ બતાવી રહ્યા છે. વર્ક ફ્રન્ટની વાત કરીએ તો ભૂમિ આ વર્ષે ‘ભીડ’, ‘અફવા’, ‘થેન્કયુ ફોર કમિંગ’માં દેખાઈ હતી. તેની આગામી ફિલ્મ ‘ધ લેડી કિલર’ છે, એમાં અર્જુંન કપૂર પણ છે.
