બોલીવુડ અભિનેત્રી તમન્ના ભાટિયાની એન્ફોર્સમેન્ટ ડિરેક્ટોરેટ (ED) દ્વારા પૂછપરછ કરવામાં આવી રહી છે. મહાદેવ બેટિંગ એપની સબસિડિયરી એપ ‘ફેર પ્લે’ પર IPL મેચોના પ્રચારના સંબંધમાં ED (Enforcement Directorate) દ્વારા અભિનેત્રીની પૂછપરછ કરવામાં આવી રહી છે. આ એપ પર ગેરકાયદેસર રીતે IPL મેચ ટેલિકાસ્ટ કરવામાં આવી હતી, જેના કારણે વાયાકોમને 1 કરોડ રૂપિયાનું નુકસાન થયું હતું. આ કેસમાં તેની સંડોવણીને કારણે તમન્ના ભાટિયાની ગુવાહાટીમાં ED ઓફિસમાં સતત પૂછપરછ કરવામાં આવી રહી છે. આ ઉપરાંત HPZ એપ અંગે પણ પૂછપરછ કરવામાં આવી છે.
પૂછપરછ કેમ કરવામાં આવી રહી છે?
HPZ એપ સંબંધિત મની લોન્ડરિંગ કેસમાં EDએ તમન્ના ભાટિયાની પૂછપરછ કરી હતી. આ એપ તમન્ના ભાટિયા દ્વારા પ્રમોટ કરવામાં આવી હતી. આ HPZ એપ મહાદેવ સટ્ટાબાજીની એપ સાથે પણ જોડાયેલ છે. HPZ એપ કૌભાંડમાં EDએ તમન્ના ભાટિયાને પૂછપરછ માટે બોલાવી છે. આ કેસમાં તમન્ના ભાટિયાની આરોપી તરીકે નહીં પરંતુ આ એપને પ્રમોટ કરવાના સંદર્ભમાં પૂછપરછ કરવામાં આવી રહી છે.
