નેધરલેન્ડ્સ વર્લ્ડ કપ માટે ક્વોલિફાય થયું, 11 નવેમ્બરે ભારત સાથે સામે રમશે

નેધરલેન્ડે સ્કોટલેન્ડને હરાવીને વર્લ્ડ કપ 2023 માટે ક્વોલિફાય કર્યું છે. વર્લ્ડ કપ ક્વોલિફાયર 2023ની મેચમાં નેધરલેન્ડે સ્કોટલેન્ડને 4 વિકેટે હરાવ્યું હતું. આ જીત સાથે નેધરલેન્ડ ક્વોલિફાય થઈ ગયું. વર્લ્ડ કપમાં નેધરલેન્ડની ટીમ 11 નવેમ્બરે ભારત સામે મેચ રમશે. તેની પ્રથમ મેચ 6 ઓક્ટોબરે પાકિસ્તાન સામે છે, જે હૈદરાબાદમાં રમાશે.


ક્વોલિફાયરની સુપર સિક્સીસની 8મી મેચ નેધરલેન્ડ અને સ્કોટલેન્ડ વચ્ચે રમાઈ હતી. પ્રથમ બેટિંગ કરતા સ્કોટલેન્ડે 50 ઓવરમાં 9 વિકેટ ગુમાવીને 277 રન બનાવ્યા હતા. જવાબમાં નેધરલેન્ડે 42.5 ઓવરમાં 6 વિકેટ ગુમાવીને લક્ષ્યાંક હાંસલ કરી લીધો હતો. ટીમ માટે બાસ ડી લીડે શાનદાર સદી ફટકારી હતી. તેણે 92 બોલનો સામનો કરીને 123 રન બનાવ્યા હતા. લીડની ઇનિંગમાં 7 ચોગ્ગા અને 5 છગ્ગાનો સમાવેશ થાય છે. ઓપનર વિક્રમજીત સિંહે 40 રનની મહત્વપૂર્ણ ઇનિંગ રમી હતી. તેની ઇનિંગમાં 6 ચોગ્ગા સામેલ હતા.


વર્લ્ડ કપ 2023માં નેધરલેન્ડની પ્રથમ મેચ પાકિસ્તાન સાથે છે. આ મેચ 6 ઓક્ટોબરે હૈદરાબાદમાં રમાશે. આ પછી 9 ઓક્ટોબરે ન્યૂઝીલેન્ડ સામે અને 17 ઓક્ટોબરે દક્ષિણ આફ્રિકા સામે મેચ રમાશે. ટીમ 21 ઓક્ટોબરે શ્રીલંકા અને 25 ઓક્ટોબરે ઓસ્ટ્રેલિયા સામે રમશે. 28 ઓક્ટોબરે નેધરલેન્ડ અને બાંગ્લાદેશ વચ્ચે મેચ રમાશે. આ પછી અફઘાનિસ્તાન અને ઈંગ્લેન્ડ સાથે મેચ રમાશે. 11 નવેમ્બરે નેધરલેન્ડની ભારત સાથે મેચ રમાશે. આ મેચ બેંગ્લોરમાં રમાશે.


નેધરલેન્ડે ક્વોલિફાયરમાં શાનદાર પ્રદર્શન કર્યું હતું. ટીમને ઝિમ્બાબ્વે સામેની પ્રથમ મેચમાં 6 વિકેટે હારનો સામનો કરવો પડ્યો હતો. આ પછી તેણે અમેરિકા અને નેપાળને હરાવ્યું. તેણે નેપાળ સામે 7 વિકેટે જીત મેળવી હતી. આ પછી વેસ્ટ ઈન્ડિઝ સામે રમાયેલી મેચ ટાઈ રહી હતી. નેધરલેન્ડને શ્રીલંકા સામે 21 રનથી હારનો સામનો કરવો પડ્યો હતો. આ પછી ઓમાન અને સ્કોટલેન્ડ પર જીત મેળવી હતી

RELATED ARTICLESMORE FROM AUTHOR