મણિપુર હિંસા વચ્ચે તાજેતરમાં વાયરલ થયેલા એક વીડિયોના મામલે ગૃહ મંત્રાલયે મોટું પગલું ભર્યું છે. આ મામલાની નોંધ લીધા બાદ કેન્દ્રીય ગૃહ મંત્રાલયે તેની તપાસ સીબીઆઈને સોંપી દીધી છે. આ સાથે કેન્દ્ર આ મામલે સુપ્રીમ કોર્ટમાં એફિડેવિટ પણ દાખલ કરશે. આમાં તે વાયરલ વીડિયો કેસની સુનાવણી મણિપુરની બહાર કરાવવાની વિનંતી કરશે. દરમિયાન સરકારી સૂત્રોને ટાંકીને એવું પણ બહાર આવ્યું છે કે જે મોબાઈલમાંથી વાયરલ વીડિયો શૂટ કરવામાં આવ્યો હતો. તે પણ રિકવર થઈ ગયો છે. આ સાથે વીડિયો શૂટ કરનાર વ્યક્તિની પણ ધરપકડ કરવામાં આવી છે. સરકારી સૂત્રોએ એવી પણ માહિતી આપી છે કે કેન્દ્રએ કુકી અને મેઇતેઈ સમુદાયના સભ્યો સાથે વાતચીત કરી છે. દરેક સમુદાય સાથે વાતચીતના છ રાઉન્ડ થયા છે.ગયા અઠવાડિયે 4 મેની ઘટનાનો વીડિયો વાયરલ થયો ત્યારથી દેશભરમાં આક્રોશ અને નિંદા થઈ રહી છે. સંસદમાં ચોમાસુ સત્રની શરૂઆતથી જ હોબાળો ચાલુ છે. ભાજપે આ ઘટનાની સખત નિંદા કરી છે પરંતુ વીડિયો વાયરલ કરવાના સમય પર પણ સવાલ ઉઠાવ્યા છે. 20 જુલાઈએ ચોમાસુ સત્ર શરૂ થવાના એક દિવસ પહેલા આ વીડિયો વાયરલ થયો હતો.
Ministry of Home Affairs (MHA) to refer Manipur viral video case to CBI pic.twitter.com/KzSJmNYJpc
— ANI (@ANI) July 27, 2023
અધિકારીએ કહ્યું કે કેન્દ્રીય ગૃહ મંત્રાલય મૈતી અને કુકી સમુદાયના લોકો સાથે સતત સંપર્કમાં છે. રાજ્યમાં સ્થિતિ સામાન્ય બનાવવા માટે વાતચીત અંતિમ તબક્કામાં છે. રાજ્યમાં ત્રણ મહિના સુધી ચાલેલી જાતિગત હિંસામાં લગભગ 150 લોકોના મોત થયા છે. તેમણે એ પણ નિર્દેશ કર્યો કે મણિપુરમાં કાયદો અને વ્યવસ્થાની સ્થિતિ પ્રમાણમાં સારી છે, પરંતુ સામાન્ય નથી. લગભગ 35,000 સુરક્ષા કર્મચારીઓ મેદાન પર છે. રાજ્યમાં દવા અને દૈનિક પુરવઠાની કોઈ અછત નથી. ત્યાં ખાદ્યપદાર્થો અને આવશ્યક ચીજવસ્તુઓના ભાવ નિયંત્રણમાં છે. મોટી સંખ્યામાં સરકારી કર્મચારીઓ કામ પર પાછા ફરી રહ્યા છે અને શાળાઓ પણ ફરી શરૂ થઈ રહી છે.
Team of INDIA alliance MPs to visit Manipur on July 29, 30
Read @ANI Story | https://t.co/cn3S7IUQaA#Opposition #Manipur pic.twitter.com/epWiSdMKPq
— ANI Digital (@ani_digital) July 27, 2023
CJI સાથે ન્યાયિક તપાસની અરજી
સુપ્રીમ કોર્ટે ગુરુવારે CJIને મણિપુર હિંસા અને જાતીય હુમલાની ઘટનાઓની તપાસ નિવૃત્ત ન્યાયાધીશની આગેવાની હેઠળની સ્વતંત્ર સમિતિ દ્વારા કરાવવાની માંગ કરતી અરજીનો ઉલ્લેખ કર્યો હતો. સર્વોચ્ચ અદાલતે અરજદાર વિશાલ તિવારીને તેમની અરજીમાં ઉલ્લેખ કરવા જણાવ્યું હતું કે તેને ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચ સમક્ષ સુનાવણી માટે સૂચિબદ્ધ કરવામાં આવે. આ મામલો અગાઉ જસ્ટિસ એસ.કે. કૌલ અને જસ્ટિસ સુધાંશુ ધુલિયાની બેન્ચ સમક્ષ સૂચિબદ્ધ કરવાનો ઉલ્લેખ કરવામાં આવ્યો હતો.
