મુંબઈ તા. 5 ફેબ્રુઆરી, 2020ઃ
બીએસઈ (બોમ્બે સ્ટોક એકસચેંજ)ના સ્ટાર્ટઅપ મંચ પર બુધવારે કંપની લિસ્ટેડ થઈ હતી. ટ્રાનવે ટેક્નોલોજીસ લિ. નામની આ કંપની 424.00 લાખ રૂપિયાનો પબ્લિક ઈસ્યૂ લાવી હતી, જેમાં તેણે 10 રૂપિયાનો એક એવા 42.40 લાખ શેરો શેરદીઠ રૂ.10ના ભાવે ઈસ્યૂ કર્યા હતા. આ ઈસ્યૂ 29 જાન્યુઆરી, 2020એ સફળતાપુર્વક પાર પડયો હતો.
ટ્રાનવે ટેક્નોલોજીસ કર્ણાટક સ્થિત કંપની છે, જેની હેડ ઓફિસ બેંગલોરમાં છે. તેનું મુખ્ય કામકાજ સ્ટાફિંગ સોલ્યુશન્સ અને પેરોલ પ્રોસેસિંગ છે. ટ્રાનવે ખાતેની નિમણૂક ટીમમાં પ્રોફેશનલ નિષ્ણાતો છે, જેઓ ગ્રાહકોની આવશ્યક્તા અનુસાર માણસોને નોકરીમાં લે છે. આ પેરોલ પ્રોસેસ આઉસોર્સિંગ ગ્રાહકોના ઓન-રોલ કર્મચારીઓના પેરોલને મેનેજ કરે છે. વિવિધ કાયદાઓ, રજાઓની યાદી, એમઆઈએસ અને વર્ષના અંતે થનારી પ્રવૃત્તિઓ હેઠળ વેતનની ગણતરી, પે-સ્લિપ જનરેશન, સ્ટેચ્યુટરી રિપોર્ટ સહિતની વ્યાપક જરૂરિયાતોને પેરોલ પ્રોસેસ પૂરી કરે છે.
ટ્રાનવે ટેક્નોલોજીસ લિ.ના ઈશ્યુની લીડ મેનેજર ફિનશોર મેનેજમેન્ટ સર્વિસીસ લિ. હતી.
સેબીએ ડિસેમ્બર 2018 બીએસઈને સ્ટાર્ટઅપ પ્લેટફોર્મ શરૂ કરવા મંજુરી આપી હતી. અત્યારસુધીમાં સ્ટાર્ટઅપ માટે આ એક માત્ર મંચ છે, જેના પર ચાર કંપની લિસ્ટેડ થઈ છે. અગાઉની ત્રણ કંપનીમાં આલ્ફાલોજિક ટેકસિસ. ટ્રાન્સપેકટ એન્ટરપ્રાઈસિસ અને વેલેનસીયાનો સમાવેશ થાય છે. આ ચારેય કંપનીઓએ આ મંચ પરથી 19 કરોડ રૂપિયા ઊભા કર્યા છે, જેનું માર્કેટ કેપ હાલ રૂ.66.71 કરોડ જેટલું છે.
