નવી દિલ્હીઃ દરેક વ્યક્તિ ઈચ્છે છે કે તે આખી દુનિયા ફરે પરંતુ ઘણીવાર બજેટનો પ્રશ્ન સામે આવી જતો હોય છે. કેટલાક લોકો પોતાના આ સ્વપ્નો સાકાર કરી દે છે તો કેટલાક લોકોના આ સપનાં અધૂરાં જ રહી જાય છે. ઘણીવાર પહેલાથી જ પ્લાનિંગ ન હોવાના કારણે લોકો સેવિંગ નથી કરી શકતા જેનાથી તેમણે પોતાનો પ્લાન કેન્સલ કરવો પડે છે. પરંતુ હવે પ્રી-પ્લાનિંગ અને સેવિંગ્સને લઈને તમે પણ રજાના દિવસોમાં આ પ્રકારની વિદેશ યાત્રા કરી શકશો.
ઘણી ટ્રાવેલ કંપનિઓએ એવી ઓફર લોન્ચ કરી છે કે જેમાં તમે પહેલાથી સેવિંગ કરીને ભવિષ્યમાં ક્યાંક ફરવા જઈ શકો છે. તો આ સાથે જ સ્ટેટ બેંક ઓફ ઈંડિયાએ સેવિંગની એક અનોખી સ્કીમ લોન્ચ કરી છે.
આ યોજનામાં તમે થોમસ કુક વેબસાઈટ પર હોલિડે સેવિંગ્સ અકાઉન્ટ પેકેજ અંતર્ગત દર મહિને પૈસા જમા કરાવી શકો છો. એસબીઆઈની આ યોજનામાં પૈસા જમા કરાવવા માટે તમારે એક પેકેજ પસંદ કરવું પડશે. તમને ઓનલાઈન એસબીઆઈ પોર્ટલ પર રીડાયરેક્ટ કરવામાં આવશે જ્યાં તમે 12 માસિક હપ્તા માટે ઈ-આરડી ખાતુ ખોલી શકો છો. તમારુ ઈ-આરડી 12 મહીના માટે વર્તમાન વ્યાજદર અનુસાર વ્યાજ લેશે. 12 મહિના બાદ વેકેશન પેકેજ માટે પૈસા થોમસ કુકને મોકલી દેવામાં આવશે. થોમસ કુક ઈ-આરડી વ્યાજમાં ફેક્ટરિંગ બાદ પેકેજને ખરીદવા માટે રકમ આપશે. ત્યારબાદ તમે પોતાની પસંદગીની જગ્યા પર ફરવા જઈ શકો છો.
આ જ પ્રકારે અન્ય ઘણી ટ્રાવેલ કંપનીઓ જેવી કે મેક માય ટ્રિપ, સ્ટરલિંગ હોલિડેઝ, ઈઝીગો વન ડોટ કોમ સહિત ઘણી અન્ય ટ્રાવેલ કંપનીઓ પણ હોલીડે ઓફર લોન્ચ કરે છે. ત્યારે આવામાં 2 હજાર રુપિયાથી 14 હજાર રુપિયાના ઈએમઆઈ પર તમે સરળતાથી યૂરોપ અને એશિયાઈ દેશોમાં ફરી શકો છો.
2,999 રુપિયાના 12 ઈએમઆઈ પર તમે થાઈલેન્ડ ફરવા જઈ શકો છો. 30 હજાર રુપિયાના બજેટમાં આપ કોરલ આઈસલેન્ડ અને બેંગકોંગ ફરવા જઈ શકો છો. અહીંયા ભારતીયોને નોન વીઝા ઓન અરાઈવલની સુવિધા પણ મળે છે. અહીંયાની વીઝા ફી 1,909 રુપિયા છે. બીલકુલ એવી જ રીતે 3,300 રુપિયાના 12 ઈએમઆઈ પર તમે સિંગાપુર ફરી શકો છો. સિંગાપુરનું 4 દિવસનું પેકેજ 35,000 રુપિયાથી શરુ થાય છે. અહીંયા ફરવા અને શોપિંગ કરવાના ઘણા વિકલ્પ છે.