મુંબઈઃ અમેરિકન ફેડરલ રિઝર્વે અને યુરોપિયન સેન્ટ્રલ બેન્કે વ્યાજદરમાં કરેલા વધારા અને મેક્રોઈકોનોમિક પરિબળો સંબંધિત અનિશ્ચિતતાની સ્થિતિમાં શુક્રવારે વૈશ્વિક ક્રીપ્ટોકરન્સી માર્કેટ ફ્લેટ રહી હતી. માર્કેટના બેન્ચમાર્ક ઇન્ડેક્સ – આઇસી15ના ઘટકોમાંથી ટ્રોન અને પોલકાડોટને બાદ કરતાં તમામ કોઇન ઘટ્યા હતા. સોલાના, કાર્ડાનો, પોલીગોન અને શિબા ઇનુમાં 1થી 2 ટકાની રેન્જમાં ઘટાડો થયો હતો.
દરમિયાન, રિઝર્વ બેન્ક ઓફ ઝિમ્બાબ્વેએ ફુગાવાને કાબૂમાં રાખવા માટે ગયા મહિને સુવર્ણ આધારિત ડિજિટલ કરન્સી શરૂ કરી હતી. બીજી બાજુ, કેન્યાએ ડિજિટલ એસેટ્સની ટ્રાન્સફર પર ત્રણ ટકાનો કર લાગુ કરવાનો પ્રસ્તાવ આગામી બજેટમાં મૂકવાનો વિચાર કર્યો છે. અન્ય એક અહેવાલ મુજબ ક્રીપ્ટો એક્સચેન્જ – બિટગેટે પોતાના કોર્પોરેટ સોશિયલ રિસ્પોન્સિબિલિટી પ્રોજેક્ટ હેઠળ બ્લોકચેઇન ફોર યુથ નામની પહેલ શરૂ કરી છે. યુવાનોને બ્લોકચેઇન વિશે માહિતી આપવાના ઉદ્દેશ્યથી આ પહેલ હેઠળ 10 મિલ્યન ડોલર ફાળવવામાં આવ્યા છે.
અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 શુક્રવારે બપોરે ચાર વાગ્યે પૂરા થયેલા ચોવીસ કલાકમાં 0.18 ટકા (70 પોઇન્ટ) ઘટીને 39,323 પોઇન્ટ બંધ રહ્યો હતો. ઇન્ડેક્સ 39,393 ખૂલીને 39,649ની ઉપલી અને 38,952 પોઇન્ટની નીચલી સપાટીએ ગયો હતો.
