લંડન: ગ્લોસ્ટરશાયરમાં આવેલા અને યુએસ (US) એરફોર્સ દ્વારા ઉપયોગમાં લેવાતા મહત્વના RAF ફેરફોર્ડ (RAF Fairford) એરબેઝ પાસે એક મોટું આતંકવાદી ષડયંત્ર નિષ્ફળ બનાવવામાં આવ્યું છે. આ મામલે કાઉન્ટર-ટેરરિઝમ પોલીસે 5 શંકાસ્પદ પુરુષોની ધરપકડ કરી છે અને વિસ્ફોટકો સાથેના ત્રણેય વાહનો કબજે કર્યા છે. અધિકારીઓ આ આતંકી કાવતરામાં ઈરાનની સંભવિત સંડોવણી કે કનેક્શનની ઊંડાણપૂર્વક તપાસ કરી રહ્યા છે.
શંકાસ્પદ વાહનો અને વિસ્ફોટકો
રવિવારે વહેલી સવારે એરબેઝ નજીક શંકાસ્પદ સફેદ રંગની ત્રણ વેન/વાહનો જોવા મળ્યા બાદ પોલીસ ત્વરિત હરકતમાં આવી હતી. તપાસ દરમિયાન આ વિસ્ફોટકો હોવાની શંકા જતાં આર્મીના બોમ્બ ડિસ્પોઝલ સ્કવોડે (EOD) રોબોટની મદદથી તપાસ હાથ ધરી હતી.
5 આતંકી શંકાસ્પદોની અટકાયત
પોલીસે પહેલા વિસ્ફોટક કાયદા હેઠળ અને ત્યારબાદ આતંકવાદી કૃત્યનું કાવતરું ઘડવાની શંકા હેઠળ 5 લોકોની ધરપકડ કરી છે. પોલીસ તેમની 14 દિવસ સુધી પૂછપરછ કરી શકે છે.
સ્થાનિકોનું સ્થળાંતર
સુરક્ષાના કારણોસર એરબેઝ નજીકના વેલફોર્ડ (Whelford) ગામના આશરે 85 પરિવારો અને ઘરો ખાલી કરાવીને સુરક્ષિત સ્થળે ખસેડવામાં આવ્યા છે.
ઈરાન સાથે કનેક્શનની તપાસ
RAF ફેરફોર્ડ એરબેઝનો ઉપયોગ અમેરિકન B-1 અને B-52 બોમ્બર વિમાનો ઈરાન સંબંધિત સૈન્ય કામગીરી માટે કરતા રહ્યા છે. અગાઉ ઈરાનના રિવોલ્યુશનરી ગાર્ડ્સ (IRGC) દ્વારા પણ આ એરબેઝને નિશાન બનાવવાની અડકતરી ધમકીઓ આપવામાં આવી હતી, તેથી તપાસ એજન્સીઓ આમાં સ્ટેટ-સપોર્ટેડ અથવા ઈરાન પ્રોક્સીની સંડોવણી તપાસી રહી છે.
ડોનાલ્ડ ટ્રમ્પ અને બ્રિટિશ સરકારનું નિવેદન
યુએસ પ્રમુખ ડોનાલ્ડ ટ્રમ્પે આ સફળ સંયુક્ત કામગીરીની પ્રશંસા કરતા કહ્યું કે આ શંકાસ્પદો લાંબા સમયથી નજર હેઠળ હતા અને તેમણે એરબેઝને મોટું નુકસાન પહોંચાડતા અટકાવી લેવાયા છે. બ્રિટિશ સંરક્ષણ મંત્રી વેસ સ્ટ્રીટીંગે પણ સુરક્ષા એજન્સીઓની કામગીરીને બિરદાવી હતી.
