‘ઓટો એક્સ્પો-2023’માં ટોચની કંપનીઓએ લેટેસ્ટ વાહનો પ્રસ્તુત કર્યા

ઉત્તર પ્રદેશના ગ્રેટર નોઈડાના એક્સપો માર્ટ ખાતે 11 જાન્યુઆરી, બુધવારથી શરૂ થયેલા ઓટોમોબાઈલ શો ‘ઓટો એક્સ્પો-2023’માં સુઝૂકી, મારુતિ સુઝૂકી, હ્યુન્ડાઈ, એમ.જી. કિઆ, બીવાઈડી, ટોયોટા, લેક્સસ, નિસાન, ટાટા મોટર્સ જેવી 30 મોટી કાર ઉત્પાદક કંપનીઓ પોતપોતાનાં 75 લેટેસ્ટ, ઈલેક્ટ્રિક તથા હાઈડ્રોજન ઈંધણથી ચાલતા વાહનોને પ્રદર્શનાર્થે રજૂ કરી રહી છે, દુનિયા સમક્ષ લોન્ચ કરી રહી છે. જોકે બીએમડબલ્યુ, સ્કોડા, ફોક્સવેગન, ઓડી, મર્સિડીઝ-બેન્ઝ જેવી કંપનીઓએ આ વખતના એક્સ્પોમાં ભાગ લેવાનું ટાળ્યું છે. એવી જ રીતે, કોઈ મોટી ટુ-વ્હીલર બ્રાન્ડ પણ આ વખતના એક્સ્પોમાં સામેલ થઈ નથી. ત્રણ વર્ષ બાદ ફરી યોજવામાં આવેલો આઠ દિવસ સુધી ચાલનારો આ ઓટો એક્સ્પો-2023 જાહેર જનતા માટે 14-18 જાન્યુઆરી દરમિયાન ખુલ્લો રાખવામાં આવશે. ઉપલી તસવીરમાં એક મોડેલ લેક્સસ ઈન્ડિયાની RX 350h કાર સાથે તસવીર માટે પોઝ આપી રહી છે.