95મા એકેડેમી એવોર્ડ્સ સમારોહમાં બેસ્ટ ડોક્યૂમેન્ટરીનો એવોર્ડ જીતનાર ‘ધ એલિફન્ટ વ્હિસ્પરર્સ’ ફિલ્મનાં નિર્દેશિકા કાર્તિકી ગોન્સાલ્વીસ અને નિર્માત્રી ગુનીત મોંગા 30 માર્ચ, ગુરુવારે નવી દિલ્હીમાં વડા પ્રધાન નરેન્દ્ર મોદીને મળ્યાં હતાં અને એમણે પ્રાપ્ત કરેલી પ્રતિષ્ઠિત ટ્રોફી બતાવી હતી. આ લાગણીસભર દસ્તાવેજી ફિલ્મમાં એક ગરીબ દંપતી અને અનાથ થઈ ગયેલા એક હાથીના બચ્ચા ‘રઘુ’ વચ્ચે પ્રેમ અને લાગણીનાં બંધાયેલાં બંધન વિશેની વાર્તા છે.
