ઉત્તરાખંડ રાજ્યમાં ગઢવાલ હિમાલય પર્વતમાળામાં આવેલા પ્રસિદ્ધ યાત્રાધામ કેદારનાથ મંદિરનાં દ્વારા શિયાળાની ઋતુ પૂરી થતા 29 એપ્રિલ, રવિવારે સવારે 6.15 વાગ્યાથી શ્રદ્ધાળુઓ માટે ફરી ખુલ્લા મૂકવામાં આવ્યા હતા. આ મંદિર ખાતે દ્વાર ખુલ્લા મૂકવાના પ્રસંગની વિશેષતા રહેશે લેસર શો, જે મંદિર ખાતે દરરોજ બતાવવામાં આવશે. આ અડધા કલાકના લેસર શોમાં કેદારનાથ મંદિરના ઈતિહાસ, એના મહત્વ તેમજ લોકવાયકા રજૂ કરવામાં આવશે તેમજ શ્રદ્ધાળુઓને ભગવાન શંકર-કેદારનાથના વિવિધ સ્વરૂપ જોવા મળશે. અહીં નીચે દર્શાવવામાં આવી છે એ લેસર શોની અમુક ઝલક.
