મા જુએ આવતો, વહુ જુએ લાવતો…

આ એક સાહજિક સરખામણી છે. દીકરો ભલે થોડો ગાંડો હોય કે ગરીબ હોય પણ માનો પ્રેમ એને એ રીતે ક્યારેય મૂલવતો નથી. માને તો દીકરો સોનાની ખાણ છે. દીકરો ઘરે આવતો દેખાય એટલે મા ખુશ થઈ જાય છે.

સામે પત્નીને ઘર ચલાવવાનું છે. ધણી કમાય નહીં તો ઘર સુપેરે ચાલે નહીં. એને બાળકો મોટા કરવા, ઘરમાં નાની મોટી ચીજ લાવવી, અન્નપુર્ણા બનીને બધાને જમાડવા, એને ઘણી જવાબદારીઓ છે. આ જવાબદારીઓ ધણી કમાઇને ન લાવે તો મુશ્કેલ પરિસ્થિતી ઊભી કરે છે. મા અને પત્નીની નજરોમાં આ કારણથી સ્વાભાવિક ફેર હોય અને એ રહેવાનો.

(ડો.જયનારાયણ વ્યાસ) 

(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)