જંગલમાં ફરતા ઘણીવાર આપણને વાઘ/સિંહ કે બીલાડી કુળના અન્ય મોટા પ્રાણીઓના ગળામાં એક કોલર કે પટ્ટા જેવું 
પહેરાવેલુ જોવા મળે છે.
સહજ વિચાર આવે કે આ જંગલી પ્રાણીના ગળામાં આ કોલર જેવું શું હોય. આ વાઘ કે સિંહના ગળામાં પહેરાવાતા કોલર એ રેડિયો કોલર હોય છે. વન વિભાગ દ્વારા સંશોધન અર્થે સામાન્ય રીતે વાઘ/સિંહ ને બેભાન કરી પહેરાવવામાં આવે છે. આ રેડિયો કોલરથી વાઘ/સિંહનું જંગલમાં લોકેશન જાણી શકાય છે અને તેના દ્વારા તેનું સતત મોનિટરીંગ થઈ શકે છે.
ક્યારેક આ જંગલી પ્રાણીઓ માનવ વસ્તી તરફ જતા હોય તો તેનું લોકેશન જાણી તેને માનવ વસ્તી તરફ જતા અટકાવી શકાય જેના કારણે (મેન એનીમલ કોન્ફ્લીક્ટ) માનવ-પ્રાણી વચ્ચેનું ઘર્ષણ અટકાવીને જંગલી પ્રાણી અને માનવ બંનેના જીવન બચાવવામાં ઉપયોગી છે.
આ ઉપરાંત રેડિયો કોલર થી વાઘ/સિંહના જીવનચર્યાની પણ વિવિધ માહિતી સંશોધન માટે મળી શકે છે. જોકે રેડિયો કોલર એ વાઘ/સિંહને થોડી અગવડતા પણ આપે છે. વાઘ કે સિંહને કોલર પહેરાવી તેની માહિતી મેળવવા તેમના Corridor અને Territory ની માહિતી પણ સંશોધન માટે મળે છે.
