આણંદઃ એનડીડીબી ડેરી એક્સેલન્સ એવોર્ડ એનાયત

0
1787

આણંદ નેશનલ ડેરી ડેવલપમેન્ટ બોર્ડ-એનડીડીબીના સ્થાપનાદિનની પૂર્વ સંધ્યાએ ઉત્તમ કામગીરી કરનાર સંસ્થાઓનું એનડીડીબી ડેરી એક્સેલન્સ એવોર્ડ દ્વારા બહુમાન કરાયું  હતું. સીએમ રુપાણી તથા કેન્દ્રીયપ્રધાન રાધામોહનસિંઘે એવોર્ડ વિતરણ કર્યું હતું.આ એવોર્ડ ડેરી સહકારી સંસ્થાઓને સંચાલનની ઉત્તમ કામગીરી તથા ખેડૂતોનું મૂલ્ય તથા જાતિય સમાવેશીતા-Gender inclusionની કામગીરી બદલ એનાયત કરાયા હતા.

આ એવોર્ડઝમાં રાષ્ટ્રીય સ્તરે 6 અને પ્રાદેશિક સ્તરે 12 એવોર્ડ ઉપરાંત મહિલાઓને બે વિશેષ એવોર્ડ એનાયત કરવામાં આવ્યા હતા. 19 મહિલા દૂધ ઉત્પાદકોનું પણ ડેરી ક્ષેત્રે પ્રશંસાપાત્ર પ્રદાન બદલ બહુમાન કરવામાં આવ્યું હતું.

ડેરી સહકારી સંઘોને બે સ્પેશિયલ કેટેગરીના એવોર્ડ એનાયત કરવામાં આવ્યા છે. એક એવોર્ડ સૌથી વધુ સંખ્યામાં મહિલા ડેરી સહકારી સંસ્થાઓની સર્વોચ્ચ સંખ્યા બદલ તથા ડેરી સહકારી સંઘને બીજો એવોર્ડ કાર્યરત મહિલાઓની સર્વોચ્ચ સંખ્યા બદલ આપવામાં આવ્યો છે. દરેક કેટેગરીમાં રૂ.3 લાખનો રોકડ એવોર્ડ તથા પ્રશંસાપત્ર એનાયત કરાયો છે.

રાધામોહન સિંઘે એનડીડીબીનું ઓટોમેટિક મિલ્ક કલેક્શન સિસ્ટમ (AMCS) નામનું સુસંકલિત સોફ્ટવેર લોન્ચ કર્યું હતું. આ સોફ્ટવેર ડેરી સહકારી સંસ્થાઓની સમગ્ર સંચાલનની જરૂરિયાતોને પહોંચી વળવાનો છે.  આ સોફ્ટવેર સંઘ/ફેડરેશન અને/રાષ્ટ્રીય સ્તરે વિવિધ સહયોગીઓને જોડે છે. પુરુષોત્તમ રૂપાલાએ INDUSCHIP લોન્ચ કરી હતી. આ ચીપ એ મુખ્ય ભારતીય ઓલાદો તથા જીનોમીક સિલેક્શન માટેની મધ્યમ ઘનતા ધરાવતી જીનોટાઈપીંગ ચીપ છે.એનડીડીબી આ પ્રકારની જરૂરિયાત આધારીત ચીપ તૈયાર કરવામાં દેશમાં પ્રથમ રહી છે. આ ચીપ સિમેન સ્ટેશન્સમાં, તેમના ડોટર્સ પ્રોડક્શન રેકોર્ડ માટે પ્રતીક્ષા કર્યા વગર યુવાન વયના આખલાઓ પસંદ કરવામાં સહાયરૂપ થશે અને ખેડૂતો પશુના જન્મ સમયે જ તેમના વાછરડા (heifer) ની પસંદગી કરી શકશે.  આ ચીપનો ઉપયોગ કરીને ભારતની મુખ્ય પશુ ઓલાદોમાં વિવિધસંકર ઓલાદોનું પ્રમાણ જાળવી શકાશે અને નિયંત્રિત પણ કરી શકાશે.