મહારાષ્ટ્રના મંત્રી અને એનસીપીના નેતા છગન ભુજબળની વ્યથા હવે સૌને દેખાઈ રહી છે. તેમણે શુક્રવારે કહ્યું કે તે સાંસદ બનવા માંગે છે, તેથી જ તેણે નાસિકથી લોકસભાની ચૂંટણી લડી હતી. સાથે જ તેઓ રાજ્યસભા માટે નોમિનેટ થવા માટે પણ ઉત્સુક હતા.
છગન ભુજબળ એવા અહેવાલો પરના પ્રશ્નોના જવાબ આપી રહ્યા હતા જેમાં દાવો કરવામાં આવ્યો હતો કે તેઓ મહારાષ્ટ્રના નાયબ મુખ્ય પ્રધાન અને NCP પ્રમુખ અજિત પવારના પત્ની સુનેત્રા પવારને રાજ્યસભામાં નામાંકન આપવાથી નારાજ છે. જ્યારે તેમને પૂછવામાં આવ્યું કે શું લોકસભા અને રાજ્યસભાની ટિકિટ મેળવવામાં તેમની સાથે અન્યાય થયો છે, ત્યારે ઓબીસી નેતાએ કહ્યું કે આ પ્રશ્ન તેમને પૂછવો જોઈએ.
બારામતી લોકસભા બેઠક પરથી લોકસભાની ચૂંટણી હાર્યાના દિવસો બાદ, સુનેત્રા પવારે ગુરુવારે આગામી રાજ્યસભા પેટાચૂંટણી માટે એનસીપીના ઉમેદવાર તરીકે ઉમેદવારી પત્ર ભર્યું. ફેબ્રુઆરીમાં પ્રફુલ પટેલનો છ વર્ષનો કાર્યકાળ પૂરો થતાં આ બેઠક ખાલી પડી હતી, તેથી તેના પર પેટાચૂંટણી યોજાવાની છે.
હું સાંસદ બનવા ઈચ્છું છું
ભુજબળે કહ્યું, ‘સાંસદ બનવાની મારી ઈચ્છા છે. તેથી જ હું નાશિક લોકસભા બેઠક પરથી ચૂંટણી લડવા તૈયાર હતો. જેમ મને કહેવામાં આવ્યું કે દિલ્હીમાં મારી ટિકિટ ફાઈનલ થઈ ગઈ છે, મેં કામ કરવાનું શરૂ કર્યું, પરંતુ જ્યારે નામના નિર્ણયનો સમય એક મહિના સુધી ખેંચાઈ ગયો, ત્યારે મેં કામ બંધ કરી દીધું કારણ કે આ અપમાન પૂરતું હતું. એનસીપી નેતાએ કહ્યું કે શિવસેનાના હેમંત ગોડસે, ભાજપની આગેવાની હેઠળના મહાગઠબંધનમાં એનસીપીના સાથી પણ નાસિકથી ટિકિટ મેળવવાનો પ્રયાસ કરી રહ્યા છે. આ પછી તેણે નક્કી કર્યું કે જેને પણ ટિકિટ આપવામાં આવશે તેની સાથે તે સહમત થશે. તમને જણાવી દઈએ કે ઉદ્ધવ ઠાકરેની શિવસેનાના રાજાભાઈ વાજે નાસિક સીટ પર જીત મેળવી છે.
ટિકિટ ન મળવા પાછળ અનેક કારણો છે
ભુજબળે કહ્યું કે જ્યારે પક્ષની બાબતોની વાત આવે છે ત્યારે તમામ બાબતો વ્યક્તિની ઈચ્છા પ્રમાણે નથી થતી. તેમણે કહ્યું કે ટિકિટ ન મળવા પાછળ ઘણા કારણો હોઈ શકે છે. ક્યારેક તે નિયતિ અથવા કોઈ પ્રકારની મજબૂરી હોય છે. જ્યારે તેમને પૂછવામાં આવ્યું કે શું NCPમાં વંશવાદી રાજકારણ ચાલી રહ્યું છે, તો તેમણે જવાબ આપ્યો ન હતો.
ભુજબળે ગુરુવારે કહ્યું હતું કે તેઓ રાજ્યસભાની ટિકિટ મેળવવામાં રસ ધરાવે છે પરંતુ તેઓ સુનેત્રા પવારના નામાંકનથી નારાજ નથી. તેમજ આ નિર્ણયને પક્ષનો સામૂહિક નિર્ણય ગણાવ્યો હતો. લોકસભા ચૂંટણીમાં તેમની પાર્ટીના ખરાબ પ્રદર્શન અંગે ભુજબળે કહ્યું કે મહાયુતિ કેમ પાછળ રહી તેનું વિશ્લેષણ કરવું જોઈએ.
એનસીપી સાથે ગઠબંધન અંગે આરએસએસની ભાજપની ટીકા અંગે ભુજબળે કહ્યું કે તેમના માટે નારાજ થવું સ્વાભાવિક છે. તેમણે કહ્યું, ‘રાજ્યની 48 બેઠકોમાંથી એનસીપીએ કેટલી બેઠકો પર ચૂંટણી લડવાની હતી? અમને માત્ર ચાર બેઠકો મળી. તેમાંથી રાયગઢ અને બારામતી એનસીપીની મુખ્ય બેઠકો હતી અને અમે રાયગઢ જીતી ગયા.
અજિત પવારે શું કહ્યું?
એનસીપી નેતા સુનેત્રા પવારને રાજ્યસભાની સીટ આપવામાં આવી હોવા પર મહારાષ્ટ્રના ડેપ્યુટી સીએમ અજિત પવારે કહ્યું, ‘કોઈ નારાજ નથી. છગન ભુજબળ અને પ્રફુલ્લ પટેલ પહેલા જ સ્પષ્ટ કરી ચુક્યા છે કે અમારા સંસદીય બોર્ડે આ નિર્ણય લીધો છે. દેવેન્દ્ર ફડણવીસ કોઈના અંતિમ સંસ્કારમાં ગયા હતા તેથી તેઓ આવી શક્યા ન હતા. કોઈ નારાજ નથી. નોમિનેશન પહેલાથી જ દાખલ કરવામાં આવ્યું છે. આજે અમને જાણવા મળ્યું કે નોમિનેશન પણ સ્વીકારવામાં આવ્યું છે અને જો છેલ્લા દિવસ પહેલા અન્ય કોઈ ઉમેદવાર નહીં આવે તો આ ચૂંટણી બિનહરીફ થઈ શકે છે.
ઓવરસીઝ ફ્રેન્ડ્સ ઓફ બી.જે.પી, USAના નેશનલ ઓર્ગેનાઈઝેશન જનરલ સેક્રેટરી વાસુદેવ પટેલ, ધીરેન્દ્ર શાહ, શિવ અગ્રવાલ, પંડિત જ્ઞાન ઉપાધ્યાય, સંતોષ શેટ્ટી, શ્રીધર વેંકટ, વિકાસ નાહટા, સુધાકર સનાકા અને કાતિકેય બંડારુએ આ કાર્યક્રમનું સફળ આયોજન કર્યું હતું. 
કાર્યક્રમમાં ભારતથી અમેરિકા પહોંચેલા ભાજપના 3 નેતાઓ રામચંદ્ર રાવ, પૈડી રાકેશ રેડ્ડી અને તેલંગાણાના પ્રદીપ રવિકાંથીએ ખાસ હાજરી આપી હતી. આ ત્રણેય નેતાઓએ ભાજપની જીતની ઉજવણીમાં આમંત્રિત કરવા બદલ આયોજકોનો આભાર માન્યો. તેમણે અનેક પડકારો હોવા છતાં સતત ત્રીજી વખત ચૂંટણી જીતવા બદલ નરેન્દ્ર મોદીના ગતિશીલ નેતૃત્વની પ્રશંસા કરી હતી.
પંડિત જ્ઞાન ઉપાધ્યાયે ગણેશ વંદનાથી કાર્યક્રમની શરૂઆત કરી હતી. જેના પછી આયોજકોએ દીપ પ્રાગટ્ય કર્યું હતું. ત્યાર બાદ પ્રિયા શ્રીનિવાસે અમેરિકન અને ભારતીય રાષ્ટ્રગીત ગાયું હતું. શિવ અગ્રવાલે વડાપ્રધાન નરેન્દ્ર મોદીના નેતૃત્વમાં ભાજપને સત્તામાં ટકાવી રાખવા માટે દરેક હિન્દુએ ચૂંટણીમાં મતદાન કરવું જરૂરી છે તેવો મત વ્યક્ત કર્યો હતો. તેમણે કહ્યું કે હિન્દુ મતદારોની ઉદાસીનતાના કારણે 2024ની ચૂંટણીમાં ભાજપને બહુમતી ન મળી શકી.
કાર્યક્રમના મુખ્ય આયોજક વાસુદેવ પટેલે ભારતના અર્થતંત્ર, સંરક્ષણ, વિદેશ નીતિ, શિક્ષણ, રસ્તાઓનું નિર્માણ, કૃષિ અને ગરીબી ઘટાડવાના દરેક ક્ષેત્રમાં PM મોદીના નેતૃત્વ હેઠળની ભાજપ સરકારની સિદ્ધિઓ વિશે વિસ્તૃત વાત કરી હતી.
ગાયક આનંદ મહેતા અને નેહલ મહેતાએ શાનદાર પર્ફોર્મન્સ આપતા દેશભક્તિના ગીતો રજૂ કર્યા હતા. તેમના ગીતોએ ઓડિયન્સને ડોલાવી હતી.
2024ની ચૂંટણીમાં ભાજપને સમર્થન આપવા માટે ટીમ એટલાન્ટાએ કાર રેલી, ચાય પે ચર્ચા, વિજયી મંત્ર હોમ અને કોલ કેમ્પેન સહિતની એક્ટિવિટી પણ કરી હતી.
‘બાંધકામ અને વૃક્ષને સાથે રાખીને પણ વિકાસને પ્રધાન્ય આપી શકાય છે. જ્યારે આપણી પાસે ફોર લેન્ડની જગ્યા પર ટુ લેન્ડ રોડનો વિકલ્પ છે. એક રોડ પર આગળ બ્રીજ માટે વૃક્ષનું બલીદાન લેવામાં નથી આવ્યું તો એ જ રોડ પર બીજો બ્રીજ બનાવવા માટે વૃક્ષનું બલિદાન કેમ? જ્યારે આપણે કેટલાક વર્ષોના રેકોર્ડ તોડતી ગરમી જોઈ રહ્યા છે. ત્યારે વિકાસના નામ પર વૃક્ષ વિનાશ કેમ કરો છો? જો વૃક્ષની ડાળી નડી શકે છે તો ડાળ કાપો વૃક્ષનો ભોગ કેમ લેવામાં આવે છે. પશુ પ્રાણી બોલી નથી શકતા અને વિરોધ નથી કરતા એ જ માટે એમના ઘર તોડવામાં આવે છે.’
હોસ્પિટલના બિછાનામાં બહાદુર સૈનિક અને રમતવીર મુરલીકાંતને ખબર પડે છે કે હવે ખેલકૂદમાં ભાગ લેવો એને માટે લગભગ અશક્ય છે. નિરાશાની ખીણમાં સરી પડેલા મુરલીને એના પૂર્વ કોચ અલી કહે છેઃ “આ યુદ્ધ પણ અજીબ છે. જે લડાવે છે એમનું કંઈ નથી જતું, પણ જે લોકો યુદ્ધ લડે છે એનું બધું છીનવાઈ જતું હોય છે”.
બાળપણમાં ઓલિમ્પિક મેડલ જીતવાનાં સપનાં જોતા મુરલીકાંતને ગામવાળા ચંદુ, ચોમુ કહી એની પર હસતા, પણ મુરલી ક્યારેય હતાશ થઈને બેસી જતો નથી. ઓલિમ્પિક મેડલ માટે એ ગરીબી, ઉપહાસ, પિતાનો ગુસ્સો-માર, યુદ્ધમાં ગંભીર ઈજા સામે લડીને ઊભો થાય છેઃ પહેલવાની શીખી એમાં નૈપુણ્ય મેળવે છે. પછી ખબર પડે છે કે ઓલિમ્પિકમાં જવું હોય તો સેનામાં ભરતી થવું જોઈએ એટલે એ આર્મીમાં જોડાય છે. ઓલિમ્પિકમાં પહેલવાની છે જ નહીં એટલે એ બૉક્સિંગ શીખી એમાં કૌશલ મેળવે છે. પછી વૉરમાં ગંભીર રીતે ઘવાયેલા મુરલીકાંત પછી અવ્વલ દરજ્જાનો તૈરાકૂ બને છે. હેડલબર્ગ, જર્મનીમાં આયોજિત 1972ની પૅરા ઑલિમ્પિકમાં ફ્રીસ્ટાઈલ સ્વિમિંગમાં એ ભારતનું પ્રતિનિધત્વ કરે છે… અને બાળપણમાં જોયેલું સપનું સાકાર કરે છે.
કેરળના મુખ્યમંત્રી પિનરાઈ વિજયન મૃતકોને શ્રદ્ધાંજલિ આપવા કોચી ઈન્ટરનેશનલ એરપોર્ટ પર પહોંચ્યા હતા. અહીં કેટલાક પાર્થિવ દેહને ઉતાર્યા બાદ વિમાન સાંજે 4 વાગ્યાની આસપાસ દિલ્હી પહોંચશે. જ્યાંથી અન્ય પાર્થિવ દેહને તેમના સંબંધિત રાજ્યોમાં મોકલવામાં આવશે. મૃતકોમાં મોટાભાગના કેરળના હતા તેથી વિમાન સૌપ્રથમ કોચીમાં લેન્ડ થયું હતું. કેરળ સરકારે મૃતકોના પરિવારને 5 લાખ રૂપિયાની સહાયની જાહેરાત કરી છે.
PM મોદી નરેન્દ્ર મોદીની શ્રીનગરમાં યોગ દિવસની ઉજવણી એક સંદેશ તરીકે જોવામાં આવી રહી છે. કાશ્મીરમાં કાર્યક્રમનો ભાગ બનીને તે સંદેશ આપશે કે સુરક્ષા વ્યવસ્થા અહીં મજબૂત છે અને આતંકવાદી હુમલાની કોઈ ખાસ અસર નથી. હકીકતમાં છેલ્લા કેટલાક દિવસોમાં આતંકવાદીઓએ કાશ્મીરને બદલે જમ્મુ સાથેના વિસ્તારોને નિશાન બનાવ્યા છે. આ ટ્રેન્ડ પર સંસદીય બાબતોના રાજ્યમંત્રી જિતેન્દ્ર સિંહનું કહેવું છે કે, આ આતંકવાદીઓનો ગભરાટ છે કારણ કે તેઓ કાશ્મીરમાં કંઈ કરી શકતા નથી.
