Home Blog Page 1587

વિનેશ ફોગાટની ગેરલાયકાત પર સંસદમાં ખેલ મંત્રીનું નિવેદન

રેસલર વિનેશ ફોગાટને પેરિસ ઓલિમ્પિકમાંથી ગેરલાયક ઠેરવવાથી આખો દેશ ચોંકી ગયો છે. માત્ર 100 ગ્રામ વજન વધવાને કારણે વિનેશ ફોગાટને ગેરલાયક ઠેરવવામાં આવી છે. ખેલ મંત્રી મનસુખ માંડવિયાએ સંસદમાં આ અંગે નિવેદન આપ્યું હતું. તેણે કહ્યું કે 50 કિગ્રા વર્ગમાં વિનેશનું વજન 100 ગ્રામ વધુ હતું, તેથી તેને ગેરલાયક ઠેરવવામાં આવી. વિનેશ જીત્યો હતો. ભારત સરકારે તેમને સંપૂર્ણ મદદ કરી હતી. ખેલ મંત્રીના નિવેદનના વિરોધમાં વિપક્ષે લોકસભામાંથી વોકઆઉટ કર્યું હતું.

રમતગમત મંત્રીએ કહ્યું કે ભારતીય કુસ્તી સંઘે આ બાબતને લઈને આંતરરાષ્ટ્રીય કુસ્તી સંઘ પાસે સખત વિરોધ નોંધાવ્યો છે. વડા પ્રધાને પેરિસમાં રહેલા ભારતીય ઓલિમ્પિક સંઘના પ્રમુખ પીટી ઉષા સાથે વાત કરી છે અને તેમને યોગ્ય પગલાં લેવા જણાવ્યું છે. વિનેશ ફોગાટ 6 ઓગસ્ટ, મંગળવારના રોજ ત્રણ મેચ જીતીને 50 કિગ્રા કુસ્તીની ફાઇનલમાં પહોંચનારી પ્રથમ ભારતીય મહિલા કુસ્તીબાજ બની. તેઓ ગોલ્ડ મેડલ માટે સ્પર્ધા કરવાના હતા.

તેણે કહ્યું કે ભારતીય કુસ્તીબાજ વિનેશ ફોગાટને નિર્ધારિત શ્રેણીમાં વધુ વજન (100 ગ્રામ) હોવાના કારણે પેરિસ ઓલિમ્પિકમાંથી બહાર થવું પડ્યું. વિનેશ 50 કિગ્રા વર્ગમાં રમી રહી હતી. સ્પર્ધા માટે વિનેશનું વજન 50 કિલો હોવું ફરજિયાત હતું. UWW ના નિયમો અને વિનિયમો મુજબ, તમામ સ્પર્ધાઓ માટે સંબંધિત કેટેગરી માટે દરરોજ સવારે વજન લેવામાં આવે છે. કલમ 11 મુજબ, જો કોઈ એથ્લેટ ભાગ લેતો નથી અથવા તોલ (પ્રથમ કે દ્વિતીય) માં ભાગ લેવામાં નિષ્ફળ જાય છે, તો તેને સ્પર્ધામાંથી બહાર કરી દેવામાં આવશે અને કોઈપણ ક્રમ વિના છેલ્લા સ્થાને મૂકવામાં આવશે.

 

રમતગમત મંત્રીએ માહિતી આપી હતી કે 7 ઓગસ્ટ, 2024ના રોજ 50 કિગ્રા મહિલા કુશ્તીની ફાઇનલમાં ભાગ લેનાર કુસ્તીબાજો માટે વજન કરવામાં આવ્યું હતું. વિનેશનું વજન 50 કિલો 100 ગ્રામ હોવાનું જાણવા મળ્યું હતું. તેથી તેણીને સ્પર્ધા માટે અયોગ્ય જાહેર કરવામાં આવી હતી. ઈન્ડિયન ઓલિમ્પિક એસોસિએશને આ બાબતને લઈને ઈન્ટરનેશનલ રેસલિંગ એસોસિએશન (UWW) પાસે સખત વિરોધ નોંધાવ્યો છે. મંગળવાર, 6 ઓગસ્ટે, વિનેશ 50 કિગ્રા કુસ્તી ઓલિમ્પિકમાં 3 મેચ જીતીને ફાઇનલમાં પહોંચનારી પ્રથમ ભારતીય મહિલા કુસ્તીબાજ બની.

સિઝનમાં પહેલીવાર ઉકાઈ ડેમના ચાર દરવાજા ચાર ફુટ ખોલ્યા..

રાજ્યમાં વરસાદનું સામાન્ય જોર ઘટ્યું છે. પરંતુ રાજ્યમાં સાર્વત્રિક સામાન્યથી ભારે વરસાદ નોંધાય રહ્યો છે. ત્યારે ઉકાઈ ડેમના ઉપરવાસમાં સામાન્ય વરસાદ યથાવત્ રહેતા ડેમમમાં 60 હજાર ક્યુસેક પાણીની આવક શરૂ રહી હતી, ઉલ્લેખનીય છે કે ડેમનું રૂલ લેવલ કરતાં પાણી થોડું ડ દૂર રહેતા ડેમના 4 ગેટ ચાર ફૂટ ખોલીને 46 હજાર ક્યૂસેક પાણી છોડવાનું આગોતરું પગલું ભરી લેવાયું છે.

સૂત્રો પાસેથી મળતી માહિતી મુજબ ઉકાઈ ડેમના ઉપરવાસમાં અઠવાડિયાથી ક્યાંક છૂટોછવાયો તો ક્યાંક ધોધમાર વરસાદ વરસી રહ્યો છે. વીતેલા ચોવીસ કલાકમાં પણ આ રીતે વરસાદ યથાવત્ રહ્યો હતો. ઉકાઈ ડેમના ઉપરવાસમાં આવેલા 51 રેઈનગેઝ સ્ટેશન પૈકી ચેરલીમાં 15 મિમી, નંદુરબારમાં 13 મિમી, ખેતિયામાં 14 મિમી, નિઝરમાં 17 મિમી, અક્કલકૂવામાં 12 મિમી, ડોસવાડામાં 21 મિમી, ઉકાઈમાં 16 મિમી વરસાદ નોંધાયો છે.

ઉકાઈ ડેમમાં આજે સવારથી 60 હજારથી વધુ ક્યુસેક પાણીની આવક થઇ રહી છે. આશરે એક લાખ ક્યુસેક જેટલી પાણીની આવકથી ડેમની સપાટી વધીને 334.55 ફૂટે પહોંચી હતી. જેને પગલે તંત્ર દ્વારા સતર્કતાના ભાગેરૂપે ઉકાઈ ડેમના 4 ગેટ ચાર ફૂટ ખોલીને 46 હજાર ક્યુસેક પાણી છોડવાનું શરૂ કર્યું હતું. આગામી દિવસમાં પાણીની આવકને ધ્યાને લઈ જાવક નક્કી થશે. સંભવતઃ આવતીકાલે સવાર સુધીમાં પાણીની સપાટી રૂલ લેવલને આંબી જશે. અત્રે ઉલ્લેખનીય છે કે, હાલ ચિંતાનો કોઈ જ વિષય નથી. સ્થાનિક લેવલે વરસાદે વિરામ લીધો છે. ઉપરવાસમાં ચિંતા કરવી પડે તેટલો વરસાદ નથી. રૂલ લેવલ 335 ફૂટ હોવાથી તંત્રએ રૂલ લેવલ જાળવી રાખવા પાણી છોડવાનો આરંભ કર્યો છે.

મુંબઈ: હિરોશિમા દિવસ પર શાંતિ માટે લીધી પ્રતિજ્ઞા, જુઓ તસવીરો

6 ઓગસ્ટના રોજ હિરોશિમા દિવસ ઉજવવામાં આવે છે. ત્યારે મુંબઈમાં શાંતિ રેલીનું આયોજન કરવામાં આવ્યું હતું. આ રેલી આઝાદ મેદાનથી શરૂ થઈ હુતાત્મા ચોક ખાતે પૂરી થઈ હતી. હુતાત્મા ચોક ખાતે વિદ્યાર્થીઓએ શાંતિ અને પરમાણુ મુક્ત વિશ્વ માટે કામ કરવાની પ્રતિજ્ઞા લીધી હતી. મુંબઈ યુનિવર્સિટીના એનએસએસ કોઓર્ડિનેટર ડૉ. સુશીલ શિંદે અને એસએનડીટી યુનિવર્સિટીના એનએસએસ કોઓર્ડિનેટર પ્રો.સુલક્ષણા માને અને પ્રો. નીતિન પ્રભુ તેંડોલકરે સમગ્ર સભાને પ્રતિજ્ઞા લેવડાવી હતી.

અમે પરમાણુ શસ્ત્રો અને તમામ શસ્ત્રોના સંપૂર્ણ નાબૂદી માટે અથાક કામ કરવા માટે વિશ્વભરના લાખો લોકો સાથે પ્રતિજ્ઞા કરીએ છીએ. અણુ બોમ્બની ભયાનકતાને ગ્રાફિકલી દર્શાવનારા વિદ્યાર્થીઓની આગેવાની, તેમજ SNDT અને મુંબઈ યુનિવર્સિટીની 25 કોલેજોના આશરે 600 NSS સ્વયંસેવકો, સામાજિક કાર્યકરો અને શહેરના શાંતિપ્રેમી નાગરિકો સાથે શાંતિ અને પરમાણુ મુક્ત માટે પ્રતિજ્ઞા લીધી.

વિદ્યાર્થીઓએ ‘નો મોર હિરોશિમા’ અને ‘અમે વધવા માંગીએ છીએ, ફૂંકી મારવા નથી’ જેવા સૂત્રો સાથેના મોટા બેનરો હાથ ધર્યા હતા. તેમજ તેમણે ‘નો બોમ્બ, યસ પીસ’ અને ‘નો વોર, યસ પીસ’ જેવા સંદેશા દર્શાવતા પ્લેકાર્ડ્સ, બેનરો અને ધ્વજ પણ રાખ્યા હતા.

અમેરિકા દ્વારા બીજા વિશ્વયુદ્ધ દરમિયાન હિરોશિમા અને નાગાસાકી પરના વિનાશક અણુ હુમલાની 79મી વર્ષગાંઠ નિમિત્તે બોમ્બે સર્વોદય મંડળ અને મુંબઈ શહેરની કોલેજોના NSS યુનિટ્સ દ્વારા સંયુક્ત રીતે આ કાર્યક્રમનું આયોજન કરવામાં આવ્યું હતું. હવાઈ ​​બોમ્બ ધડાકાના પરિણામે 129,000 અને 226,000 લોકોના મોત થયા હતા, જેમાં મોટાભાગે નાગરિકો હતા. સહભાગીઓ પરમાણુ મુક્ત વિશ્વ માટે તેમની પ્રાર્થનામાં વિશ્વભરના લાખો લોકો સાથે જોડાયા હતા.

(તમામ તસવીર: દીપક ધુરી)

ત્રણ દિવસના ઘટાડા પછી બજારમાં તેજીઃ સેન્સેક્સ 900 પોઇન્ટ ઊછળ્યો

અમદાવાદઃ પ્રોત્સાહક વૈશ્વિક સંકેતોને પગલે ઘરેલુ શેરબજારોમાં ત્રણ દિવસ પછી સાર્વત્રિત તેજી થઈ હતી. નિફ્ટી અને સેન્સેક્સ પણ એક ટકાથી વધુની તેજી સાથે બંધ થયા હતા. મિડકેપ ઇન્ડેક્સ 1300 પોઇન્ટથી વધુ ઊછળ્યો હતો. બેન્ક ઓફ જાપાને એક નિવેદનમાં કહ્યું હતું કે બજારમાં અસ્થિરતા પેદા થવાને કારણે બેન્ક વ્યાજદરોમાં ફેરફાર નહીં કરે. જે પછી એશિયન બજારોમાં પણ તેજી જોવા મળી હતી. રોકાણકારોની સંપત્તિમાં રૂ. 9.18 લાખ કરોડનો વધારો થયો હતો.

સરકારે હાલમાં પ્રોપર્ટી ટેક્સના નિયમો હળવા કરતાં શેરો માટે સાનુકૂળ વાતાવરણ હતું. આ સાથે રિયલ્ટી ઇન્ડેક્સમાં બે ટકાથી વધુની તેજી હતી. આ ઉપરાંત 13 મહત્ત્વના સેક્ટોરિયલ ઇન્ડેક્સ તેજી સાથે બંધ થયા હતા.

રિઝર્વ બેન્કની નાણાં નીતિ જાહેર થવાના રહેલાં નિફ્ટી 24,300 પર પહોંચ્યો હતો. મેટલ, ફાર્મા, મિડિયા, પાવર, ટેલિકોમ અને ઓઇલ એન્ડ ગેસ શેરોમાં સૌથી વધુ તેજી થઈ હતી, જ્યારે મિડકેપ અને સ્મોલ કેપ ઇન્ડેક્સ બે ટકાની તેજી સાથે બંધ થયા હતા. અદાણી પોર્ટસના શેરોમાં સૌથી વધુ 3.42 ટકાની તેજી થઈ હતી. જેથી BSE સેન્સેક્સ 875 પોઇન્ટ ઊછળીને 79,468.01ના મથાળે બંધ રહ્યો હતો, જ્યારે નિફ્ટી ઇન્ડેક્સ 305 પોઇન્ટ ઊછળીને 24,297.50ની સપાટીએ બંધ રહ્યો હતો. BSE એક્સચેન્જ પર કુલ 4031 શેરોમાં કામકાજ થયાં હતાં. એનાથી 2988 શેરો તેજી સાથે બંધ થયાં હતાં અને 945 શેરોમાં ઘટાડો જોવા મળ્યો હતો. આ સાથે 98 શેરો સપાટ બંધ રહ્યા હતા. આ સિવાય 196 શેરોએ 52 સપ્તાહની ઊંચી સપાટી સર કરી હતી, જ્યારે 24 શેરોએ 52 સપ્તાહની નીચલી સપાટીએ પહોંચ્યા હતા.

 

રાજકોટમાં NSUI દ્વારા CBRTનો ઉગ્ર વિરોધ પ્રદર્શન

ફોરેસ્ટ ગાર્ડની પરીક્ષાના જાહેર થયેલા પરિણામમાં ગોટાળા થયા આક્ષેપ સાથે રાજ્ય ભરના વિદ્યાર્થીઓમાં વિરોધના વંટાળો ઊભા થયા છે. ત્યારે આજે રાજકોટ પ્રદેશ NSUI પ્રમુખની આગેવાનીમાં વિદ્યાર્થીઓને સાથે રાખી કલેક્ટર કચેરી ખાતે ઉગ્ર વિરોધ પ્રદર્શન કરવામાં આવ્યું હતું. તેમજ CBRT રદ કરવાની માગ કરવામાં આવી હતી. NSUIના કાર્યકરોએ કલેક્ટરની ઓફિસ બહાર વિદ્યાર્થીઓ પર અત્યાચાર બંધ કરો…હાય રે ભાજપ હાય હાયના નારા લગાવ્યા હતા. બાદમાં કલેક્ટર ઓફિસની અંદર જવા પ્રયાસ કરતા પોલીસ તેમને પકડ્યા હતા.

NSUIના કાર્યકરોએ મુખ્યમંત્રી અને શિક્ષણમંત્રી હાય હાયના નારા લગાવ્યા હતા. જ્યારે કલેક્ટરને રજૂઆત માટે માત્ર 10 વિદ્યાર્થીઓની પરમિશન આપવામાં આવતા NSUI પ્રમુખે તમામ વિદ્યાર્થીઓને સાથે રાખી રજૂઆતનો આગ્રહ કરતા પોલીસે પ્રદેશ પ્રમુખ સહિત 6 વિદ્યાર્થીઓની અટકાયત કરી હતી. મળતી માહિતી અનુસાર રાજ્ય સરકાર દ્વારા તાજેતરમાં રાજ્યમાં ફોરેસ્ટ ગાર્ડની ભરતી માટે લેખિત પરીક્ષા CBRT પદ્ધતિથી એટલે કે ઓનલાઇન લેવામાં આવી હતી. ત્યાર બાદ 6,000 વિદ્યાર્થીઓની પસંદગી કરવામાં આવી છે. જેમાં ગ્રેસિંગ બાદ માર્કમાં સુધારા વધારા થયા હતા. જો કે, તેમાં ઓછા માર્ક મેળવનારને સિલેક્ટ કરવામાં આવ્યા હોવાનું સામે આવ્યું છે. આ સાથે જ કોમ્પ્યુટર આધારિત પરીક્ષામાં અલગ અલગ વિદ્યાર્થીઓ માટે અલગ અલગ પેપરો નીકળતા હોય છે. જેમાં અમુક વિદ્યાર્થીઓને સરળ તો અમુકને અઘરું પેપર હોય છે. જેને કારણે પરીક્ષાની કોઈ તટસ્થતા રહેતી નથી. જેને લઈને આજે રાજકોટ કલેક્ટર કચેરી ખાતે NSUI પ્રદેશ પ્રમુખ નરેન્દ્ર સોલંકી સહિતના આગેવાનો વિદ્યાર્થીઓને સાથે રાખી રજૂઆત કરવા માટે પહોંચ્યા હતા.

હેરીટજના ચાહકો માટે આ એક નજરાણું છે…

અમદાવાદના હેરીટેજ સ્થળોની વાત આવે એટલે સરખેજ રોજાનું નામ અવશ્ય આવે. ગુજરાતના સુલતાનો, એમના કુટુંબીજનોની કબરો અને બેનમુન કલાકૃતિ સાથેની મસ્જિદો સરખેજમાં આવેલી છે. આશરે 171 એકર ક્ષેત્રફળ ધરાવતું સુંદર તળાવ છે. મહેમૂદ બેગડાના મહેલના અવશેષો અહીં જોવા મળે છે.

ઇતિહાસ કહે છે કે, સુલતાન મહેમૂદ બેગડાના સલાહકાર અને મિત્ર શેખ અહમદ ખટ્ટુ ગંજબક્ષ પાટણથી આવીને અહીં રહ્યા હતા. અમદાવાદ શહેરનો પાયો નાખનાર પાંચ ઑલિયા અહમદો પૈકીના તેઓ એક હતા. શેખ અહમદ ખટ્ટુ ગંજબક્ષ ઈ. સ. 1446માં મરણ પામ્યા ત્યારે તેમની ઉંમર 111 વર્ષની હતી. એમની કબર સરખેજના રોજા તરીકે ઓળખાય છે. એનું બાંધકામ બેગડાના અનુગામી સુલતાન કુતુબુદ્દીનના શાસન દરમિયાન છ વર્ષના ગાળામાં પૂરું થયેલું.

આ રોજો ગુજરાતમાં સૌથી મોટો રોજો છે. રોજાની આસપાસ પથ્થરની કોતરણીવાળી જાળીઓ છે. અંદર આવેલ કબર ફરતે ધાતુની સુંદર જાળી પણ છે. આસપાસ એક એકરથી વધુ વિસ્તાર ધરાવતું ચોગાન છે. સુલતાન મહમૂદશાહ બેગડો અને એના પુત્ર મુઝફ્ફરશાહની કબરો છે. રોજા અને મસ્જિદની પાછળ વિશાળ જળાશય છે. સરોવરના સામા કાંઠે સલ્તનત સમયની મોટી ઇમારતો છે. એની બાંધકામ શૈલી  મહેલો જેવી કહી શકાય. તળાવમાં ઊતરવાનાં પગથિયાં ઉપરાંત ઢોરને ઊતરવાના ઢાળ પણ બનાવેલા છે. વિશાળ સરોવર જેવા તળાવમાં  પાણી ભરાય એ માટે  ત્રણ નાળાં પણ બનાવેલાં છે. એમાં આવતું પાણી ચોખ્ખું આવે – કચરો બહાર રહે એવી ગાળણ-જાળી ગોઠવેલી છે. જળાશયના કાંઠે મહેમૂદ બેગડાનું વિશ્રામગૃહ હતું.

જળાશયથી સહેજ દક્ષિણમાં સંત બાબા અલીશેરની કબર છે. આ સંતની ખ્યાતિ અહમદ ખટ્ટુ ગંજબક્ષ કરતાં પણ વધુ હતી. નજીકમાં મિર્ઝા ખાનખાનાન દ્વારા ફતેહવાડી બાગ ઈ. સ. 1584માં તૈયાર કરાયો હતો. હેરીટજ સ્થળોમાં રસ ધરાવતા પ્રવાસીઓ માટે અમદાવાદનું આ એક નજરાણું છે.

(પ્રજ્ઞેશ વ્યાસ)

વિનેશ ફોગાટ મામલે રાહુલ ગાંધીનો ભાવનાત્મક સંદેશ

ભારતીય મહિલા કુસ્તીબાજ વિનેશ ફોગાટને વધુ વજનના કારણે ગેરલાયક ઠેરવવામાં આવી છે. આ સમાચારે સમગ્ર દેશને દુઃખી કરી દીધો છે. દેશવાસીઓને આશા હતી કે વિનેશ ફાઈનલ મેચ જીતીને ગોલ્ડ મેડલ જીતશે, પરંતુ એવું થઈ શક્યું નહીં. કોંગ્રેસ સાંસદ રાહુલ ગાંધીએ વિનેશને ફાઈનલ મેચ માટે અયોગ્ય જાહેર કરવા પર દુઃખ વ્યક્ત કર્યું, રાહુલ ગાંધીએ કહ્યું કે, ભારતની ગૌરવ વિનેશ ફોગાટ વિશ્વ ચેમ્પિયન કુસ્તીબાજોને હરાવીને ફાઇનલમાં પહોંચી. તે દુર્ભાગ્યપૂર્ણ છે કે વિનેશ ફોગટને ટેકનિકલ આધાર પર અયોગ્ય જાહેર કરવામાં આવી. અમને પૂરી આશા છે કે ભારતીય ઓલિમ્પિક સંઘ આ નિર્ણયને મજબૂત રીતે પડકારશે અને દેશની દીકરીને ન્યાય આપશે.

વિનેશે દેશને ગૌરવ અપાવ્યુંઃ રાહુલ ગાંધી

કોંગ્રેસ સાંસદે વધુમાં કહ્યું કે, “વિનેશ હિંમત હારનાર નથી, અમને વિશ્વાસ છે કે તે વધુ તાકાત સાથે મેદાનમાં પરત ફરશે. તમે હંમેશા દેશને ગૌરવ અપાવ્યું છે વિનેશ. આજે પણ આખો દેશ તમારી તાકાત તરીકે તમારી સાથે ઉભો છે. છે.”

ઇન્ડો-અમેરિકન ચેમ્બરના ‘સેન્ટર ઓફ એક્સેલન્સ ફોર MSME’નું લોકાર્પણ

અમદાવાદઃ યુએસ-ભારત આર્થિક જોડાણને પ્રોત્સાહન આપતી સર્વોચ્ચ દ્વિપક્ષીય ચેમ્બર ઓફ કોમર્સ એટલે ધ ઇન્ડો અમેરિકન ચેમ્બર ઓફ કોમર્સ (IACC) છે. IACC ગુરૂવારે તેમની પ્રથમ ‘IACC-MSME સેન્ટર ઓફ એક્સેલન્સ’ શરૂ કરાશે. KCG ઓડિયોરિયમ (i-HUB કેમ્પસ) ખાતે આયોજિત લોકાર્પણ સમારોહમાં ગુરૂવારે મુખ્યમંત્રી ભુપેન્દ્રભાઇ પટેલ મુખ્ય અતિથિ તરીકે ઉપસ્થિત રહેશે. ઉદ્યોગ વિભાગના અગ્ર સચિવ મમતા વર્મા વિશેષ સંબોધન કરશે.IACCના રાષ્ટ્રીય અધ્યક્ષ પંકજ બોહરાએ જણાવ્યું હતું કે, “IACC-MSME સેન્ટર ઓફ એક્સેલન્સનું ધ્યેય MSMEને વૈશ્વિક માંગને પહોંચી વળવા અને તેમની નિકાસ ક્ષમતાને વિસ્તૃત કરવા માટે જરૂરી કૌશલ્યો અને જ્ઞાનથી સજ્જ કરવાનો છે. આ કેન્દ્રનો લોન્ચિંગ MSMEને યુએસ માર્કેટ દ્વારા પ્રસ્તુત વિશાળ તકોનો ઉપયોગ કરવા માટે સશક્તિકરણ તરફ એક મહત્વપૂર્ણ પગલું દર્શાવે છે. આ પહેલ ભારતીય MSMEના વિકાસને આગળ ધપાવશે. અમારૂ લક્ષ્ય અન્ય શહેરોમાં સમાન સેન્ટર ઓફ એક્સલન્સ શરૂ કરવાનું છે”.MSME પર દિવસભર ચાલનારી કોન્ફરન્સ દરમિયાન MSMEsને ભવિષ્યમાં નિકાસ માટે તૈયાર કરવા, MSMEsને નિકાસ ફાઇનાન્સ પ્રદાન કરવા અને નિકાસ પ્રોત્સાહનો અને MSME માટે ઉપલબ્ધ લાભો પર મુખ્ય ઉદ્યોગ અગ્રણીઓ તેમની વિચારો રજૂ કરશે.

મુંબઈ: ખોટી માહિતીને અટકાવવા માટે યુએસ કોન્સ્યુલેટ દ્વારા સેમિનાર

મુંબઈ: મુંબઈમાં યુએસ કોન્સ્યુલેટ જનરલ દ્વારા ખોટી માહિતીને ફેલાતી અટકાવવાના હેતુસર “લીગ ઓફ ડિસઇન્ફોર્મેશન વોરિયર્સ” ફેલોશિપનો સેમિનારનું આયોજન કરવામાં આવ્યું હતું. આ ફેલોશિપમાં ઉભરતા નેતાઓને અયોગ્ય માહિતીને વધુ સારી રીતે સંબોધવા માટે કૌશલ્યની તાલીમ પૂરી પાડવામાં આવી હતી.

લીગ ઓફ ડિસઇન્ફોર્મેશન વોરિયર્સ ફેલોશિપ યુ.એસ ડિપાર્ટમેન્ટ ઓફ સ્ટેટ પબ્લિક ડિપ્લોમસી એ યુવા સાથે સહયોગ છે, સોશિયલ મીડિયા પર જેના 900,000 ભારતીય યુવાનો ફોલોઅર્સ છે. નવ મહિનાની ફેલોશિપ હવે પૂર્ણ થઈ છે. સમગ્ર પશ્ચિમ ભારતમાં વિવિધ પૃષ્ઠભૂમિમાંથી 15 ઉભરતા ડિજિટલ પ્રભાવકોએ સમગ્ર ભારતમાંથી અગ્રણી ડિસઇન્ફોર્મેશન નિષ્ણાતોની આગેવાની હેઠળની વ્યાપક માસિક વર્કશોપમાં ભાગ લીધો હતો.

સહભાગીઓ હવે તેમની તાલીમનો ઉપયોગ તેમના સમુદાયોમાં ખોટી માહિતીનો સામનો કરવા માટે ઑનલાઇન અને ઑફલાઇન ડિજિટલ મીડિયા ઝુંબેશ વિકસાવવા માટે કરી રહ્યા છે. યુએસ કોન્સ્યુલ જનરલ માઈક હેન્કીએ ફાઈનલ સેમિનારને સંબોધિત કર્યો અને વિવિધ સંદર્ભોમાં ખોટી માહિતીનો સામનો કરવા સફળ પહેલોની તપાસ કરતા ફેલો સાથે વાસ્તવિક-વિશ્વના કેસ સ્ટડીઝની ચર્ચા કરી.

આ તકે કોન્સલ જનરલ હેન્કીએ જણાવ્યું હતું કે સહયોગી પ્રયાસો અને વહેંચાયેલ જ્ઞાન ખોટી માહિતીનો સામનો કરવા માટે અમારી વ્યૂહરચનાઓને મજબૂત બનાવી શકે છે. કોન્સ્યુલ જનરલ હેન્કીએ જણાવ્યું હતું કે,“વિવિધ વ્યવસાયો અને પૃષ્ઠભૂમિના પ્રતિનિધિઓને એકસાથે લાવીને ખોટી માહિતી સામે લડવાના અમારા સામૂહિક પ્રયાસમાં આ સેમિનાર એક મહત્વપૂર્ણ પગલું છે. આ શ્રેષ્ઠ પ્રથાઓ અને નવીન ઉકેલોને શેર કરવામાં મદદ કરશે જે સમુદાયોને અસત્યમાંથી સત્યને પારખવામાં સક્ષમ બનાવે છે.

આ પ્રોજેક્ટના અમલીકરણમાં ભાગીદાર યુવા એડિટર-ઇન-ચીફ માનવીએ જણાવ્યું હતું કે, “ફેલોશિપે સમગ્ર ભારતમાંથી 15 યુવાનોને ખોટી માહિતીનો સામનો કરવા માટેના સાધનો પર તાલીમ આપી હતી અને તેમના સમુદાયોમાં અસર આધારિત પ્રોજેક્ટ બનાવવા માટે તેમને સશક્ત કર્યા હતા. અમે અમારા સમુદાયોમાં ખોટી માહિતીને વધુ સારી રીતે સમજવા માટે પત્રકારો, તકનીકી નિષ્ણાતો, નીતિ વિશ્લેષકો, મનોવૈજ્ઞાનિકો અને આબોહવા પરિવર્તન કાર્યકરોને આવકાર્યા હતાં. જેમ જેમ ફેલોશિપ પૂર્ણ થવાના આરે છે તેમ તેમ માનસિક સ્વાસ્થ્ય, LGBTQ+ અધિકારો, શિક્ષણ અને આબોહવાનાં લેન્સ દ્વારા ખોટી માહિતી પર ધ્યાન આપતા પ્રોજેક્ટ્સને જોઈને આનંદ થાય છે.”

વિનેશ ફોગાટ ગેરલાયક : PM મોદીએ લગાવ્યો પેરિસમાં ફોન

ભારતની સ્ટાર રેસલર વિનેશ ફોગાટને પેરિસ ઓલિમ્પિકની ફાઈનલમાં ભાગ લેવા પર રોક લગાવી દેવામાં આવી છે. વિનેશ 50 કિલોગ્રામની ફાઇનલમાં પહોંચી હતી, પરંતુ તેનું વજન 100 ગ્રામ વધુ હોવાનું જાણવા મળ્યું હતું. નિર્ધારિત વજન કરતાં વધુ હોવાનું માલૂમ પડતાં તેને ગેરલાયક ઠેરવવામાં આવ્યો છે. વિનેશ સામેની કાર્યવાહી બાદ વડાપ્રધાન નરેન્દ્ર મોદી સક્રિય થઈ ગયા છે. વિનેશ ફોગાટના વખાણ કરવાની સાથે તેણે પેરિસ પણ વાત કરી હતી. પીએમ મોદીએ કહ્યું છે કે વિનેશ તું ચેમ્પિયન છે. તમે દેશનું ગૌરવ છો અને દરેક ભારતીય માટે પ્રેરણા છો.

સૂત્રોના જણાવ્યા અનુસાર, પીએમ મોદીએ IOA પ્રમુખ પીટી ઉષા સાથે વાત કરી અને તેમને આ મુદ્દે ભારત પાસે ઉપલબ્ધ વિકલ્પો વિશે જાણકારી માંગી. તેણે વિનેશના કેસમાં મદદ માટે તમામ વિકલ્પો શોધવાનું કહ્યું. તેણે પીટી ઉષાને વિનંતી કરી કે જો તે વિનેશને મદદ કરે તો તેણીની ગેરલાયકાત અંગે સખત વિરોધ નોંધાવે.

પીએમ મોદીએ વિનેશના વખાણ કર્યા

આ પહેલા પીએમ મોદીએ વિનેશ ફોગાટના વખાણ કર્યા હતા. તેણે કહ્યું, વિનેશ, તું ચેમ્પિયન્સમાં ચેમ્પિયન છે. તમે ભારતનું ગૌરવ છો અને દરેક ભારતીય માટે પ્રેરણા છો. આજના આંચકાથી દુઃખ થાય છે. હું ઈચ્છું છું કે શબ્દો હું અનુભવી રહ્યો છું તે નિરાશાની લાગણી વ્યક્ત કરી શકે. પડકારોનો હિંમતભેર સામનો કરવાનો હંમેશા તમારો સ્વભાવ રહ્યો છે. મજબૂત પાછા આવો. અમે બધા તમારા પક્ષમાં છીએ.

1...1,5861,5871,588...5,093Page 1,587 of 5,093