દિલ્હીની કોર્ટે એક્સાઇઝ પોલિસી કેસમાં સીએમ અરવિંદ કેજરીવાલની ન્યાયિક કસ્ટડી 2 સપ્ટેમ્બર સુધી લંબાવી છે. સીએમ કેજરીવાલને વીડિયો કોન્ફરન્સિંગ દ્વારા કોર્ટમાં રજૂ કરવામાં આવ્યા હતા. સ્પેશિયલ જજ કાવેરી બાવેજાએ જ્યુડિશિયલ કસ્ટડીનો સમયગાળો વધાર્યો હતો. 12 જુલાઈના રોજ સુપ્રીમ કોર્ટે દિલ્હી એક્સાઈઝ પોલિસી કેસ સંબંધિત ED કેસમાં સીએમ કેજરીવાલને વચગાળાના જામીન આપ્યા હતા. પરંતુ સીબીઆઈ કેસમાં તેમને હજુ સુધી રાહત મળી નથી, તેથી તેઓ જેલમાં છે.
ED બાદ CBIની ધરપકડ
આ પહેલા EDએ 21 માર્ચે દિલ્હી એક્સાઇઝ પોલિસી કેસમાં સીએમ કેજરીવાલની ધરપકડ કરી હતી. આ પછી સીબીઆઈએ 26 જૂને સીએમ કેજરીવાલની કોર્ટમાંથી ધરપકડ કરી હતી.
સુપ્રીમ કોર્ટે 12 જુલાઈના રોજ જામીન આપ્યા હતા
દિલ્હીની નીચલી અદાલતે એક્સાઇઝ પોલિસી કેસમાં સીએમ કેજરીવાલને 20 જૂને જામીન આપ્યા હતા. પરંતુ દિલ્હી હાઈકોર્ટે નીચલી કોર્ટના નિર્ણય પર રોક લગાવી દીધી હતી. આ પછી 12 જુલાઈના રોજ સીએમ કેજરીવાલને સુપ્રીમ કોર્ટમાંથી રાહત મળી હતી.
લોપાએ રડમસ અવાજે કહ્યું જવા દે મમ્મી આ તો રોજનું થઈ ગયું છે. મન તો થાય છે આ બધુ છોડીને ક્યાંક દૂર ચાલી જાઉં પણ શું કરુ હેતનો ચહેરો જોવું છું એટલે ન મને જીવું છું. માતાએ કાયમની જેમ જ દીકરીને સાંત્વના આપી. થોડા વર્ષો પછી લોપા કાયમ માતાને ત્યાં આવી ગઈ. હા 52 વર્ષની લોપાએ પતિ સંકેત સાથે છૂટાછેડા લઈ લીધા. માતા સુરેખાબહેને એને સહકાર આપ્યો કારણ કે એ જાણતા હતા કે જો લોપા વધારે ત્યાં રહેશે તો કદાચ એ જીવી નહીં શકે. આખરે એવું તો શુ થયું કે દિકરો 18 વર્ષનો થયો પછી લોપાએ પતિને છૂટાછેડા આપવા પડ્યા. શું સમાજ આવા ડિવોર્સને સ્વીકારે છે ? એવા કયા કારણો છે જેના કારણે વર્ષો સાથે રહ્યા પછી પતિ-પત્ની એકબીજાથી અલગ થઈ જાય છે? આખરે આ ગ્રે ડિવોર્સ કેમ વધી રહ્યા છે ?
સમગ્ર કેલિફોર્નિયામાંથી સ્વયંસેવકો એસેમ્બલી ચેમ્બરમાં પ્રસંગની ઉજવણી કરવા સેક્રામેન્ટોના સ્ટેટ કેપિટોલમાં એકઠા થયા હતા, જે સમુદાયના અપાર ગૌરવ અને આનંદનું પ્રતિબિંબ છે.
એસેમ્બલી મેમ્બર એલેક્સ લીએ BAPSના કાર્યો અને તેની અસરની પ્રશંસા કરતા કહ્યું, “આ વર્ષે ઉત્તર અમેરિકામાં BAPSની 50મી વર્ષગાંઠ છે. 1974 થી BAPS અહીં કાર્યરત છે. આ એ સંસ્થા છે જે આધ્યાત્મિકતા અને સેવાને પ્રોત્સાહન આપવા માટે સમર્પિત છે. તેમના શૈક્ષણિક કાર્યક્રમો, માનવતાવાદી પ્રયાસો અને સાંસ્કૃતિક પ્રવૃત્તિઓ સહિતની વિવિધ પહેલો દ્વારા અસંખ્ય વ્યક્તિઓના જીવનને સમૃદ્ધ બનાવવામાં મહત્વપૂર્ણ ભૂમિકા ભજવી છે.”
પરમ પૂજ્ય પ્રમુખ સ્વામી મહારાજ દ્વારા 1974માં સ્થપાયેલ, ઉત્તર અમેરિકાના પ્રથમ BAPS મંદિરનું નિર્માણ ન્યૂયોર્કમાં કરવામાં આવ્યું હતું. ત્યારથી, BAPS એ તેની ઉત્તર અમેરિકાની હાજરીને સમગ્ર યુનાઇટેડ સ્ટેટ્સ અને કેનેડામાં 100થી વધુ મંદિરોમાં વિસ્તારી છે. જેમાં પરંપરાગત છ હિન્દુ મંદિરો તેમજ રોબિન્સવિલે અને ન્યૂ જર્સીમાં આવેલા BAPS સ્વામિનારાયણ અક્ષરધામ મંદિરનો પણ સમાવેશ થાય છે.
કામનાથ દાદાના મંદિરનો ઈતિહાસ 629 વર્ષ જૂનો છે. ગુજરાતમાં આવેલું આ એક એવું શિવ મંદિર છે, જ્યાં ઘીના ભંડાર રોજબરોજ વધતા જાય છે. મંદિરમાં ઘી ભરેલા 1300 ઘડા મુકવા હવે મંદિરમાં જગ્યા ઓછી પડે છે. સાચવણી માટે ચાર ધી ભંડાર બનાવાયા છે.
પહેલી નજરે સાભળીને આશ્ચર્ય થશે કે બે ચાર મહિના ગરમીમાં ઘી પડી રહે તો તેમાં ગંધ આવે કે ફૂગ જેવું લાગે છે. અહી મંદિરના ઓરડામાં આટલા વર્ષોમાં ઉનાળાની ગરમી અને શિયાળાની ઠંડીમાં તપતા ધાબા નીચે માટલામાં સંઘરાયેલું ઘી કોઈ પણ જાતની ગંધ વિના તાજુ રહ્યું છે. અંદાજે ૨૦ હજાર કિલો ઘી હશે જેમાં જરા સરખી ગંધ નથી. જીવાતનો કોઈ ઉપદ્રવ નથી. માન્યતા પ્રમાણે આ ઘીને મંદિરની બહાર લઇ જવાતું નથી કે કોઈજ રીતે બીજા ઉપયોગમાં લેવાતો નથી. આમ કરનારને મોટું નુકશાન ભોગવવું પડે છે. આ માટે કામનાથ મહાદેવના ગર્ભસ્થાનમાં બે મોટી અખંડ જ્યોત આટલાજ વર્ષોથી સતત પ્રજ્વલ્લિત રહી છે. જેમાં દરરોજ દસ કિલો ઘી વપરાય છે. તદુપરાંત શ્રાવણ મહિનો આખો મંદિરના પ્રાંગણમાં ધી હોમાત્મક યજ્ઞ રખાય છે. જેમાં મહિના દરમિયાન સાઈઠ સિત્તેર ઘડા ધી વપરાશમાં લેવાય છે. કેટલુંય ધી હોમાવી દેવાય છે છતાં પણ વધારો અટકાવી શકતો નથી.
આટલા મોટા જથ્થામાં ઘી એકઠું થવા પાછળ અનેક માન્યતા જોડાયેલી છે. રઢુ ગામ તથા તેની આસપાસના ગામડાઓમાં કોઇ પણ ખેડૂતના ઘરે ભેંસ કે ગાયને બચ્ચા જન્મે પછી પ્રથમ વલોણાનું ઘી મંદિરમાં અપર્ણ કરાય છે. સાથે દરેક પોતાની શ્રધ્ધા મુજબ માન્તાઓ રાખે છે જે પૂરી થતા ધી ચડાવે છે. કિલોથી લઈને ધીના ડબ્બાઓ સુધીની ચઢામણી ગામેગામથી શ્રદ્ધાળુઓ દ્વારા આવે છે. શ્રાવણ મહિનામાં અહી ભાવિક ભક્તોની ભીડ વધારે પ્રમાણમાં જોવા મળે છે. ગુજરાતના બીજા ગામોમાંથી બસો દ્વારા લોકો દર્શન કરવા આવે છે. ખેડા જિલ્લામાં અનેક શિવાલયો વર્ષો પુરાણા હોવા સહિત ઐતિહાસિક સમયની યાદ અપાવે છે.
મંદિરમાં ટ્રસ્ટ નીમાયું છે જેના કારણે વહીવટ સુવ્યવસ્થિત ચાલે છે. આજ ટ્રસ્ટની આગેવાની હેઠળ છેલ્લા કેટલાક વર્ષોથી અન્નક્ષેત્ર ચાલે છે. જ્યાં અહી દર્શનાર્થે આવતા ભક્તોને મફતમાં જમવાની રહેવાની વ્યવસ્થા પૂરી પડાય છે. આ મહાદેવના મંદિરમાંના ટ્રસ્ટી તરીકે વર્ષો સેવા આપી ચુકેલા સ્વ. ગોવિંદભાઈ મોતીભાઈ મારા સસરા હતા, એ નાતે આ બધા સાથે અંગત પરિચય છે જેના આધારે કહી શકું તેમ છું કે આ કોઈ તર્ક નથી પરંતુ સંપૂર્ણ સત્ય છે. ભક્તોના સહયોગ અને સહકારથી અહીની તમામ પ્રવૃત્તિઓ નિઃશુલ્ક ચાલે છે.
ભક્તિમાં શ્રધ્ધાની પોતાની જગ્યા છે. મારી માટે પણ આ મંદિર અને તેની માટેની શ્રધ્ધા અવિચલ છે. જ્યારે પણ ત્યાં જાઉં તો કૈલાસ જેવા પવિત્ર ધામમાં હોવાનો ભાષ થાય છે. આવી માન્યતાઓ અને અચંબિત કરતા દાખલાઓ સંસ્કૃતિનાં ધરોહર છે. શ્રદ્ધા અને અંધશ્રદ્ધા એ દરેકની પોતાની અંગત માન્યતા છે. પરંતુ દરેકના આશ્ચર્ય વચ્ચે આટલા બધા વર્ષોથી સંગ્રહાયેલા ઘીના સ્વાદ કે સુગંધમાં કોઈ ફર્ક નથી પડ્યો એ હકીકત છે.
