રાજ્યમાં ટ્રાફિકની સમસ્યાને ધ્યાને લઈ ગુજરાત હાઈકોર્ટે તંત્રને હેલ્પલાઈન નંબર અને વેબસાઈટ બનાવવા માટે સુચન કર્યુ હતું. ત્યારે હવે માર્ગ અકસ્માત, ટ્રાફિક જામ માટે હેલ્પલાઇન નંબર જાહેર કરાયો છે. ગુજરાત પોલીસ દ્વારા ‘હેલ્પલાઇન-18002331122’ શરૂ છે. તેમજ વેબસાઇટ, ઇમેઇલ, સિટિઝન ફર્સ્ટ એપ્લિકેશન પણ ઉપલબ્ધ છે.
ગુજરાતમાં રખડતા ઢોર અને ટ્રાફિક સમસ્યાને લઈ સુનવણી હાથ ધરવામાં આવી હતી. જે બાદ હેલ્પલાઈન નંબર અને વેબસાઈન બનાવવાના નિર્દશે આપવામાં આવ્યા હતા. ત્યારે હવે માર્ગ અકસ્માત કે ટ્રાફિક જામ સહિતની ટ્રાફિક સંબંધિત સમસ્યાનાં નિવારણ માટે આ હેલ્પલાઇન ઉપરાંત વેબસાઈટ, ઇમેઇલ તેમજ સિટીઝન ફર્સ્ટ એપ્લિકેશનની સેવા પણ ઉપલબ્ધ છે. રાજ્યમાં ટ્રાફિકની સમસ્યાના નિવારણ માટે ગુજરાત સરકારે નવી પહેલ કરી છે. રાજ્યમાં બનતા માર્ગ અકસ્માતો તેમજ ટ્રાફિક જામ સંબંધિત સમસ્યાઓના નિવારણ માટે ગુજરાત પોલીસ દ્વારા નાગરિકો માટે એક વિશેષ હેલ્પલાઇન સેવા શરૂ કરવામાં આવી છે. રાજ્યના કોઈ પણ ખૂણે સર્જાયેલી માર્ગ અકસ્માતની ઘટના, ટ્રાફિક જામની સમસ્યા કે અન્ય કોઈપણ ટ્રાફિક સંબંધિત મુશ્કેલીની માહિતી નાગરિકો એક જ ફોન કોલથી આ નવી હેલ્પલાઇનમાં આપી શકશે. જે માહિતી તાત્કાલિક સંબંધિત વિસ્તારના પોલીસ અધિકારીને પહોંચાડી તે સમસ્યાનું નિવારણ લાવવામાં આવશે.
એપ્લિકેશન: ટ્રાફિક જામ કે માર્ગ અકસ્માત સંબંધિત કોઇ પણ ફરિયાદ સ્માર્ટ ફોનની મદદથી એપ્લિકેશન મારફતે કરી શકાય તે માટે એપ્લિકેશન ‘સિટીઝન ફર્સ્ટ’માં ખાસ ફિચર ઉમેરવામાં આવ્યુ છે. આ એપ્લિકેશન મારફતે કોઇ પણ વ્યક્તિ મોબાઇલમાં ફોટો પાડીને સમસ્યાની જાણ પોલીસને કરી શકશે. જેનાં લોકેશનને આધારે પોલીસ રિયલ ટાઇમ મોનિટરીંગ કરીને આ સમસ્યાનો ઉકેલ લાવશે.
વેબસાઈટ: રાજ્યના કોઇ પણ ખૂણે કોઇ નાગરિકને માર્ગ અકસ્માત કે ટ્રાફિક જામ સંબંધિત કોઇ સમસ્યાનો સામનો કરવો પડે કે આવા કોઇ દ્રશ્ય દેખાય તો તેનો ફોટો ‘https://gujhome.gujarat.gov.in/portal’ વેબસાઇટમાં અપલોડ કરી તે કયા લોકેશનની સમસ્યા છે તેની માહિતી આપી શકશે.
ઇમેઇલ: કોઇ પણ નાગરિક ટ્રાફિક સંબંધિત સમસ્યાની જાણકારી ઇમેઇલ આઇ.ડી ‘trafficgrievance@gujarat.gov.in’ ઉપર પણ આપી શકશે. ઇમેઇલ પર મળેલી ફરિયાદ અંગે પણ એક્શન લઇ સમસ્યાનું નિવારણ લાવવામાં આવશે.
આ તમામ માધ્યમો મારફતે નાગરિકો તરફથી મળેલી ટ્રાફિક સંબંધિત ફરિયાદોનું નિવારણ કરવા માટે ઉચ્ચ પોલીસ અધિકારીઓ દ્વારા સતત મોનીટરીંગ કરવામાં આવશે. જેના થકી હવે ગુજરાતના નાગરિકો તેમની ટ્રાફિક સમસ્યાઓના ઝડપી અને વધુ અસરકારક ઉકેલ મેળવી શકશે. આ નવી સુવિધાઓના વ્યાપક ઉપયોગ માટે નાગરિકોને સ્ટેટ ટ્રાફિક બ્રાન્ચ દ્વારા આહવાન કરવામાં આવ્યું છે, જેથી રાજ્યની ટ્રાફિક વ્યવસ્થામાં વધુ સુધાર લાવી શકાય અને માર્ગ સલામતીમાં વધારો થાય.
વિશ્વ આખાયમાં 2003થી આ દિવસે આત્મહત્યાના નિવારણ માટે જુદી-જુદી પ્રવૃત્તિઓને શરૂ કરવામાં આવી. જેમાં કાઉન્સિલિંગથી માંડી તમામ પ્રકારની સહાયતા કાર્યક્રમોની શરૂ કરવામાં આવી. આ દિવસે જુદા જુદા શહેરોમાં આત્મહત્યા નિવારવા જાગૃતિના કાર્યક્રમો થાય છે. તાજેતરમાં અમદાવાદ શહેરમાં ટાઉન હોલ નજીક, એલિસબ્રિજ ખાતે સમતા ફાઉન્ડેશન સંસ્થા દ્વારા આત્મહત્યા નિવારણ દિવસ નિમિત્તે જાગૃતિ લાવવા માટે કાર્યક્રમનું આયોજન કરવામાં આવ્યું હતું.
આ સંસ્થા સાથે પાંચ વર્ષથી જોડાયેલા નિવૃત જવાન વસંતભાઇ કહે છે હું બી.એસ.એફ.માં હતો. દેશ માટે એક સૈનિક તરીકેની કામગીરી કરી નિવૃત્ત થયો. હવે સમાજમાં જાગૃતિ લાવવા માટે કંઇક કરવું છે. જેથી સમતા ફાઉન્ડેશન સંસ્થા દ્વારા જુદી જુદી સામાજિક સમસ્યાઓ પર ધ્યાન આપી એમાં મદદરૂપ થવાનો પ્રયાસ કરું છું. કોઇપણ સમસ્યાનું સમાધાન હોય છે. એથી માણસે ત્વરિત નિર્ણય લઇને આત્મહત્યા કરવી જોઇએ નહી. અમારી સંસ્થાના સભ્યોએ જુદા જુદા રિપોર્ટ ચકાસ્યા, જેમાં પુરુષોની આત્મહત્યાનું પ્રમાણ વધારે છે. જેને અટકાવવા માટેના પ્રયાસો કરવા ખૂબ જ જરૂરી છે. જો એક પુરુષ આત્મહત્યા કરે તો એનો પરિવાર ખૂબ જ મુશ્કેલીમાં મુકાઇ જાય છે. જેથી આત્મહત્યા નિવારવા અમે આ રિપોર્ટ સાથે અમદાવાદના ટાઉનહોલ ખાતે એક જાગૃતિનો કાર્યક્રમ કર્યો હતો. જેમાં અમને સમાજના દરેક ક્ષેત્રના લોકોમાંથી સારો પ્રતિસાદ મળ્યો હતો..
