મહારાષ્ટ્રના નાયબ મુખ્યમંત્રી એકનાથ શિંદે પર કોમેડિયન કુણાલ કામરાની ટિપ્પણીએ રાજકીય તોફાન મચાવી દીધું છે. એકનાથ શિંદેના નેતૃત્વ હેઠળની શિવસેનાએ હાસ્ય કલાકાર સામે મોરચો ખોલ્યો છે, તો ભાજપે કુણાલ કામરાનો ચહેરો કાળો કરવાની પણ અપીલ કરી છે. વાસ્તવમાં, કોમેડિયન કુણાલ કામરાએ મહારાષ્ટ્રના રાજકારણ અને એકનાથ શિંદેના શિવસેનાથી અલગ થવા પર એક પેરોડી ગીત બનાવ્યું છે.
આ ગીતમાં કુણાલ કામરાએ શિંદેનું નામ નથી લીધું પણ તેમણે દેશદ્રોહી શબ્દનો ઉપયોગ કર્યો છે. ઉદ્ધવ ઠાકરે જૂથ શિંદે પર હુમલો કરવા માટે દેશદ્રોહી શબ્દનો ઉપયોગ કરતો આવ્યું છે. એવામાં કુણાલ કામરાની ટિપ્પણી શિંદે માટે છે. આવો સંદેશ મોકલ્યા પછી, શિવસેનાએ કુણાલ કામરાનો કાર્યક્રમ તે જગ્યાએ બંધ કરી દીધો જ્યાં તે હાજર હતો. ત્યાં તોડફોડ બાદ કાર્યવાહીની માંગ કરવામાં આવી છે
એવું તો શું કહ્યું કુણાલ કામરાએ?
કુણાલ કામરાએ કહ્યું હતું કે ન્યાયાધીશના આદેશમાં લખ્યું છે કે તેમણે મહારાષ્ટ્ર ચૂંટણીમાં શું કર્યું છે. આપણે તેના વિશે વાત કરવી પડશે. આ પછી, કામરાએ પોતાના શોમાં કહ્યું કે શિવસેના ભાજપમાંથી બહાર આવી અને પછી શિવસેના શિવસેનામાંથી બહાર આવી. એનસીપીમાંથી એનસીપી બહાર આવ્યું. એક મતદારને નવ બટન આપવામાં આવ્યા હતા. બધા મૂંઝાઈ ગયા. તેની શરૂઆત એક વ્યક્તિ દ્વારા કરવામાં આવી હતી. થાણે મુંબઈનો ખૂબ જ સારો જિલ્લો છે, હું ત્યાંથી આવું છું. આ પછી કુણાલ કામરા સંગીતના સૂર પર એક ગીત ગાય છે.
View this post on Instagram
પેરોડી ગીતમાં શું કહેવામાં આવ્યું હતું?
મહારાષ્ટ્રના રાજકારણ પર ટિપ્પણી કર્યા પછી, કુણાલ કામરા તેના શોમાં એક ગીત ગાય છે જેમાં તે કહે છે કે થાણેની રિક્ષા… થાણેકી રિક્ષા, ચહેરે પે દાઢી, આંખો મેં ચશ્મા… થાણે કી રિક્ષા, ચહેરે પે દાઢી, આંખોમેં ચશ્મા… એક ઝલક દિખલાયે કભી ગુવાહાટીમે છુીપ જાએ… મેરી નજર છે તુમ દેખો ગદ્દાર નજર વો આએ. થાણે કી રિક્ષા, ચહેરે પે દાઢી, આંખો મેં ચશ્મા. મંત્રી નહીં વો, દલબદલુ હૈ ઔર કહા ક્યા જાએ… જીસ થાલીમેં ખાએ ઉસીમેં છેદ કર જાએ… મંત્રાલય સે જ્યાદા ફડણવીસ કી ગોદીમેં મિલ જાએ… તીર કમાન મીલા હૈ ઈસકો બાપ મેરા યે ચાહે…થાણે કી રિક્ષા…ચહેરે પે દાઢી, આંખો મેં ચશ્મા.”શિવસેનાએ આ પેરોડી ગીત પર શિવસેનાએ હંગામો કર્યો છે. રાજનીતિમાં આવ્યા પહેલા એકનાથ શિંદે થાણેમાં રિક્ષા ચલાવતા હતાં.
