અમેરિકાના રાષ્ટ્રપતિ ડોનાલ્ડ ટ્રમ્પ હાલમાં મધ્ય પૂર્વના પ્રવાસે છે. તેમણે ગઈકાલે ઇન્વેસ્ટમેન્ટ ફોરમના પ્લેટફોર્મ પરથી જાહેરાત કરી હતી કે તેઓ સીરિયા પર લાદવામાં આવેલા તમામ પ્રતિબંધો હટાવી રહ્યા છે. એક દિવસ પછી, બુધવારે સવારે, ટ્રમ્પ સીરિયન નેતા અલ-શારાને મળ્યા. અલ-શારા અમેરિકા દ્વારા જાહેર કરાયેલ આતંકવાદી યાદીમાં સામેલ છે અને તેના પર દસ લાખ ડોલરનું ઇનામ છે.
Mohamed bin Salmán, Donald Trump y Ahmed al Sharaa. https://t.co/ZNNQpUEGAN pic.twitter.com/U3gFwSvngp
— Alfonso (@alfonso_pza) May 14, 2025
અલ-શરા સીરિયન ઉગ્રવાદી સંગઠન હયાત તહરિર અલ-શામનો વડા છે. આ જ સંગઠને સીરિયામાંથી બશર અલ-અસદને ઉથલાવી પાડવામાં મહત્વપૂર્ણ ભૂમિકા ભજવી છે; આ સંગઠન અમેરિકાની પ્રતિબંધિત યાદીમાં પણ સામેલ છે. ટ્રમ્પની આ મુલાકાત બાદ તેમના પર અનેક સવાલો ઉભા થઈ રહ્યા છે. આતંકવાદને નાબૂદ કરવાના નામે મધ્ય પૂર્વના ઘણા દેશોમાં બોમ્બ ફેંકનાર અમેરિકાનો નેતા આજે એક ‘આતંકવાદી’ને મળી રહ્યો છે. તમને જણાવી દઈએ કે 25 વર્ષમાં આ પહેલી વાર છે જ્યારે સીરિયા અને અમેરિકાના ટોચના નેતાઓ એકબીજાને મળ્યા છે.
