મિસ વર્લ્ડ સ્પર્ધાના 72મા સંસ્કરણનું ગ્રાન્ડ ફિનાલે શનિવાર, 31 મે, 2025 ના રોજ તેલંગાણાના હૈદરાબાદના હાઇટેક્સ એરેના ખાતે યોજાવાનો છે. આ વર્ષે ફેમિના મિસ ઇન્ડિયા વર્લ્ડ 2023નો ખિતાબ જીતનાર નંદિની ગુપ્તા મિસ વર્લ્ડ 2025ના ફિનાલેમાં ભારતનું પ્રતિનિધિત્વ કરશે.
અહીં નોંધવું રહ્યું કે અત્યાર સુધીમાં છ ભારતીય મહિલાઓએ મિસ વર્લ્ડ સ્પર્ધા જીતી છે. જેમાં રીટા ફારિયા પોવેલ (1966), ઐશ્વર્યા રાય (1994), ડાયના હેડન (1997), યુક્તા મુખી (1999), પ્રિયંકા ચોપરા (2000) અને માનુષી છિલ્લર (2017)નો સમાવેશ થાય છે.
રીટા ફારિયા પોવેલ- રીટા ફારિયા મિસ વર્લ્ડનો ખિતાબ જીતનાર પ્રથમ ભારતીય મહિલા છે. 23 ઓગસ્ટ 1943ના રોજ માટુંગા, મુંબઈમાં જન્મેલી રીટાએ ગ્રાન્ટ મેડિકલ કોલેજ અને સર જેજે ગ્રુપ ઓફ હોસ્પિટલ્સમાંથી મેડિસિનનો અભ્યાસ કર્યો હતો અને 1966માં મિસ વર્લ્ડનો ખિતાબ જીત્યો હતો.
ઐશ્વર્યા રાય- રીટા ફારિયા પછી બોલિવૂડ અભિનેત્રી ઐશ્વર્યા રાય બચ્ચન મિસ વર્લ્ડનો તાજ જીતનારી પ્રથમ ભારતીય મહિલા બની. ઐશ્વર્યાએ 1994 માં આ ખિતાબ જીત્યો હતો.
ડાયના હેડન- ઐશ્વર્યા રાયની સફળતા પછી, ડાયના હેડને 1997 માં મિસ વર્લ્ડનો ખિતાબ જીત્યો. ડાયનાએ હોસ્ટિંગ અને અભિનયમાં કારકિર્દી બનાવી અને હવે તે ફિલ્મોથી દૂર પોતાના અંગત જીવનનો આનંદ માણી રહી છે.
યુક્તા મુખીએ – યુક્તા મુખીએ 1999માં મિસ વર્લ્ડ બની હતી. ઐશ્વર્યા અને ડાયના હેડનની જેમ, યુક્તા મુખીએ પણ આ ખિતાબ જીત્યા પછી અભિનયમાં પોતાનું નસીબ અજમાવ્યું હતું, પરંતુ તેણીને અપેક્ષા મુજબ સફળતા મળી શકી નહીં. આજે યુક્તા મહિલા અધિકારો અને શિક્ષણના ક્ષેત્રમાં કામ કરી રહી છે.
પ્રિયંકા ચોપરા- યુક્તા મુખી પછી, પ્રિયંકા ચોપરાએ વર્ષ 2000 માં મિસ વર્લ્ડનો ખિતાબ જીત્યો અને પછી તેણીએ અભિનયની સફર શરૂ કરી. બોલીવુડમાં પોતાની કારકિર્દી બનાવ્યા પછી, પ્રિયંકા હોલીવુડ તરફ વળી અને આજે તે એક વૈશ્વિક સ્ટાર તરીકે ઓળખાય છે. તેણીની માત્ર ભારતમાં જ નહીં પરંતુ વિદેશમાં પણ મોટી ચાહક ફોલોઇંગ છે.
માનુષી છિલ્લર- પ્રિયંકા ચોપરાએ મિસ વર્લ્ડનો ખિતાબ જીત્યાના 17 વર્ષ પછી, માનુષી છિલ્લર 2017 માં મિસ વર્લ્ડનો ખિતાબ જીતી હતી. માનુષીએ અભિનયમાં પણ પોતાની છાપ છોડવાનો પ્રયાસ કર્યો હતો. તેણે સમ્રાટ પૃથ્વીરાજ અને બડે મિયાં છોટે મિયાં જેવી ફિલ્મો કરી હતી, પરંતુ અત્યાર સુધી તે સફળતા મેળવી શકી નથી.
