શનિવારે રોયલ ચેલેન્જર્સ બેંગ્લોર (RCB) અને કોલકાતા નાઈટ રાઈડર્સ (KKR) વચ્ચેની મેચ સાથે IPL 2025નો ઉત્સાહ ફરી એકવાર શરૂ થશે. ભારત અને પાકિસ્તાન વચ્ચેના તણાવને કારણે, ભારતીય ક્રિકેટ કંટ્રોલ બોર્ડ (BCCI) એ IPL 2025 એક અઠવાડિયા માટે મુલતવી રાખ્યું હતું, પરંતુ યુદ્ધવિરામની જાહેરાત પછી, બોર્ડે સુધારેલું સમયપત્રક બહાર પાડ્યું.
A cracking contest on the cards as #TATAIPL returns to action tonight 🔥#RCB or #KKR, who do you reckon will bag 2⃣ points tonight? 🤔#RCBvKKR | @RCBTweets | @KKRiders pic.twitter.com/UMvU3JUNeT
— IndianPremierLeague (@IPL) May 17, 2025
IPL 2025 માં 17 મેચ બાકી છે
વે IPL 2025 માં 17 મેચ રમાશે, જેમાંથી 13 ગ્રુપ સ્ટેજ અને ચાર પ્લેઓફ મેચ છે. IPL 2025 સીઝનની શરૂઆત 22 માર્ચે કોલકાતાના ઇડન ગાર્ડન્સ ખાતે ડિફેન્ડિંગ ચેમ્પિયન KKR અને RCB વચ્ચેની મેચથી થઈ હતી. IPL 2025 સીઝન તેના છેલ્લા તબક્કામાં ચાલી રહી હતી. આ સિઝનમાં અત્યાર સુધીમાં કુલ 58 મેચ રમાઈ છે, જેમાં ગુરુવારે રદ થયેલી પંજાબ કિંગ્સ અને દિલ્હી કેપિટલ્સ વચ્ચેની મેચનો પણ સમાવેશ થાય છે. જોકે, બીસીસીઆઈએ દિલ્હી અને પંજાબ વચ્ચેની મેચ ફરીથી શેડ્યૂલ કરવાનો નિર્ણય લીધો છે.
ગુજરાત ટોચ પર
પોઈન્ટ ટેબલની વાત કરીએ તો, IPL 2025 સીઝન મુલતવી રાખવામાં આવી ત્યાં સુધી ગુજરાત ટાઇટન્સની ટીમ પોઈન્ટ ટેબલમાં ટોચ પર હતી. ગુજરાત ૧૧ મેચમાં આઠ જીત અને ત્રણ હાર સાથે ૧૬ પોઈન્ટ સાથે પ્રથમ સ્થાને છે. બીજા નંબરે RCB ટીમ છે જેના ગુજરાત જેટલા જ મેચોમાં પોઈન્ટ છે. પંજાબ ત્રીજા સ્થાને છે, જ્યારે મુંબઈ ઇન્ડિયન્સ ચોથા સ્થાને છે. ચેન્નાઈ સુપર કિંગ્સ (CSK), સનરાઇઝર્સ હૈદરાબાદ અને રાજસ્થાન રોયલ્સ પ્લેઓફની રેસમાંથી બહાર થઈ ગયા છે, જ્યારે દિલ્હી કેપિટલ્સ, KKR અને લખનૌ સુપર જાયન્ટ્સ હજુ પણ રેસમાં છે.
