હોટ અંદાઝવાળા વિડિયોઃ શમીની પત્ની હસીન જહાં ટ્રોલ થઈ

નવી દિલ્હીઃ કોરોના વાઇરસને કારણે વિશ્વના મોટા ભાગના દેશોમાં લોકડાઉન લાગેલું છે, ત્યારે સેલિબ્રિટી વ્યક્તિઓ પણ લોકડાઉન દરમ્યાન ઘરમાં કેદ છે. આવા સમયમાં ક્રિકેટરો પણ સોશિયલ મિડિયા દ્વારા એમના ચાહકો સાથે જોડાયેલા છે. ટીમ ઇન્ડિયાના ઝડપી બોલર મોહમ્મદ શમીની તેનાથી અલગ રહેતી પત્ની હસીન જહાં એક વિડિયોને કારણે સોશિયલ મિડિયા પર ટ્રોલ થઈ હતી. પરંતુ ટ્રોલ કરનારાઓને જડબાતોડ જવાબ આપતાં હસીન જહાંએ એક વધુ વિડિયો શેર કર્યો છે.  

હસીન જહાંએ વિડિયો શેર કર્યો

હસીન જહાંએ વિડિયો શેર કરતાં કહ્યું છે કે ‘તૈયાર થઈ જાઓ, ઈર્ષા કરવા માટે.’ આ પહેલાં હસીન જહાંએ બે વિડિયો શેર કર્યા હતા. એ વખતે પણ એણે લખ્યું હતું ‘મેં આગ લગાવી દીધી છે, હવે તમે જીવ બાળ્યા કરો.’

ટ્રોલ થયા બાદ ત્રણ વિડિયો શેર કર્યા

હસીન જહાં વારંવાર પોતાના વિડિયોને લીધે સોશિયલ મિડિયા પર ચર્ચામાં રહે છે. એ હાલમાં જ એક વિડિયોને કારણે ઘણી ટ્રોલ થઈ હતી. ટ્રોલ થયા પછી એ સોશિયલ મિડિયા પર વધારે સક્રિય થઈ ગઈ છે અને સતત ટ્રોલ કરનારાને જડબાતોડ જવાબ આપી રહી છે.

શમી પર ફિક્સિંગ અને ઘરેલુ હિંસાના આરોપ

ઉલ્લેખનીય છે કે, વર્ષ 2018માં હસીન જહાંએ મોહમ્મદ શમી પર ફિક્સિંગ અને ઘરેલુ હિંસાના આરોપ લગાવ્યા હતા. જોકે તપાસ પછી BCCIએ શમીને મેચ ફિક્સિંગને મામલે ક્લીન ચિટ આપી હતી. એ સમયે બંને વચ્ચેનો ઘરેલુ વિવાદ સમાચારોમાં રહ્યો હતો. વિવાદ થયો ત્યારથી હસીન જહાં અને મોહમ્મદ શમી અલગ-અલગ રહે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]