યુવા ક્રિકેટરો રિષભ પંત, રૈનાએ શરૂ કરી નેટ પ્રેક્ટિસ

ગાઝિયાબાદ: કોરોના મહામારીને કારણે વિશ્વભરના ક્રિકેટર્સ પોતાને ઘરે જ છે. જોકે,  ઈંગ્લેન્ડ  વેસ્ટ ઈન્ડિઝ વચ્ચે ટેસ્ટ સિરીઝથી આંતરરાષ્ટ્રીય ક્રિકેટની શરૂઆત થઇ ગઇ છે, પણ ભારતમાં હજુ પણ ક્રિકેટ મેચો રમવા પર પ્રતિબંધ છે. માર્ચ મહિનાથી ક્રિકેટથી દૂર રહેલા ભારતીય ક્રિકેટરો હવે મેદાનને યાદ કરવા લાગ્યા છે. કેટલાક ભારતીય ક્રિકેટરોએ વ્યક્તિગત રૂપે આઉટડોર પ્રેક્ટિસ શરૂ કરી છે, પરંતુ મોટાભાગનાં ક્રિકેટરો હજી પણ ઘરમાં પરિવાર સાથે સમય વિતાવી રહ્યા છે.

થોડા દિવસ અગાઉ ચેતેશ્વર પૂજારા, ઉમેશ યાદવ અને ઈશાંત શર્મા નેટ પ્રેક્ટિસ કરતા જોવા મળ્યા હતા તો હવે આ યાદીમાં સુરેશ રૈના અને યુવા ક્રિકેટર રિષભ પંતનું નામ પણ સામેલ થઈ ગયું છે.

તમામ સાવધાની સાથે આ બંને ખેલાડીઓએ ઉત્તર પ્રદેશનાં ગાઝિયાબાદમાં નેટ પ્રેક્ટિસ શરૂ કરી દીધી છે. સુરેશ રૈનાએ આ પ્રેક્ટિસ સેશનનાં કેટલાક વીડિયોને તેના ઓફિશિયલ ઇન્સ્ટાગ્રામ એકાઉન્ટ પરથી શેર કર્યા છે. રૈનાએ વિડિયોના કેપ્શનમાં લખ્યું કે, ‘ખૂબ જ મહેનત કરો, કદી હાર ન માનો અને ઈનામ મેળવો.’ તો વિડિયોમાં વિકેટકીપર બેટ્સમેન રિષભ પંતે પણ નેટ પ્રેક્ટિસ સેશનનો આનંદ ઉઠાવતો જોવા મળી રહ્યો છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]