હાંગ્ઝોઃ ભારતના મોહમ્મદ અજમલ વરિયાઠોડી, વિદ્યા રામરાજ, રાજેશ રમેશ અને સુભા વેંકટેશને અહીં રમાતી 19મી એશિયન ગેમ્સમાં એથ્લેટિક્સમાં, 4×400 મીટરની મિક્સ્ડ રીલે રેસમાં બીજો ક્રમ હાંસલ કરીને રજત ચંદ્રક જીત્યો છે.
બે પુરુષ અને બે મહિલા રનરની બનેલી ભારતીય ટીમે 3:14.34 સેકંડનો સમય નોંધાવ્યો હતો. બેહરીનના એથ્લીટ્સે 3:14.02 સેકંડ સાથે પહેલા ક્રમે આવીને સુવર્ણ ચંદ્રક જીત્યો છે. આ સાથે, વર્તમાન ગેમ્સમાં ભારતે જીતેલા મેડલ્સનો આંકડો 60 પર પહોંચ્યો છે.
