બર્મિંઘમઃ અહીં રમાતી 22મી કોમનવેલ્થ ગેમ્સમાં ભારતની મહિલાઓની ટેબલ ટેનિસ ટીમે તેણે ચાર વર્ષ પહેલાં જીતેલા ગોલ્ડ મેડલને જાળવી રાખવાના જંગનો વિજય સાથે આરંભ કર્યો છે. ગ્રુપ-2માં પ્રાથમિક રાઉન્ડની મેચમાં ભારતીય ટીમે દક્ષિણ આફ્રિકાને 3-0થી પરાજય આપ્યો હતો.
મનિકા બત્રાએ તેની સિંગલ્સ મેચમાં મુસ્ફિકુ કલામ સામે 11-5, 11-3, 11-2થી જીત મેળવી હતી.રીથ ટેનિસન અને શ્રીજા અકુલાની જોડીએ ડબલ્સમાં લઈતા એડવર્ડ્સ અને દાનિશા પટેલની જોડીને 11-7, 11-7, 11-5થી પરાજય આપ્યો હતો. બીજી સિંગલ્સ મેચમાં શ્રીજાએ દાનિશા પટેલને 11-5, 11-3, 11-6થી હરાવી હતી. ભારતના ગ્રુપમાં ગયાના અને ફિજી ટીમો પણ છે.
