મુંબઈ: બોલિવૂડ સુપરસ્ટાર શાહરૂખ ખાન આ દિવસોમાં ન્યૂયોર્કમાં વેકેશન માણી રહ્યા છે. આ દરમિયાન તેની લાડલી સુહાના પણ તેની સાથે હાજર છે. હાલમાં જ ન્યૂયોર્કથી પિતા-પુત્રીની એક તસવીર સામે આવી છે, જે હાલમાં સોશિયલ મીડિયા પર વાયરલ થઈ રહી છે. આ તસવીરમાં પિતા-પુત્રી ન્યૂયોર્કમાં ક્વોલિટી ટાઈમ વિતાવતા જોવા મળે છે.
અનંત અંબાણીના લગ્નના ફંકશનો પણ શરૂ થયા છે. જયાં બૉલિવૂડનૂ હસ્તીઓનો જમાવડો જોવા મળી રહ્યો છે. પરંતુ શાહરુખ ન્યૂયોર્કમાં હોવાથી અંબાણીના ઘરે ફંક્શનમાં હાજરી આપી શક્યા નહીં.
શાહરૂખ ખાન ન્યૂયોર્કમાં પુત્રી સાથે જોવા મળ્યા
View this post on Instagram
શાહરૂખ ખાનની જે તસવીર વાયરલ થઈ રહી છે તેમાં તે સુહાના ખાન સાથે શોપિંગ કરતો જોવા મળી રહ્યા છે. તસવીરમાં અભિનેતા કેશ કાઉન્ટર પર બિલ ચૂકવતા દેખાય છે. સુહાના નજીકમાં ઊભી છે અને ફોન પર કોઈની સાથે વાત કરી રહી છે. આ દરમિયાન શાહરૂખ ખાન બ્લેક લુકમાં એકદમ ડેશિંગ લાગે છે. તેના લુકને શાનદાર બનાવવા માટે તેણે કેપ પહેરી છે. સુહાના ફ્લોરલ ડ્રેસમાં જોવા મળી રહી છે. આ તસવીર સિવાય શાહરૂખ ખાનની બીજી તસવીર સામે આવી છે, જેમાં તે હાથમાં જૂતા પકડેલો જોવા મળી રહ્યા છે. ન્યૂયોર્કથી સામે આવેલ કિંગ ખાનની આ તસવીર સોશિયલ મીડિયા પર વાયરલ થઈ રહી છે.
શાહરૂખ ખાનનો વર્કફ્રન્ટ
તમને જણાવી દઈએ કે ગયા વર્ષે શાહરૂખ ખાને ત્રણ બ્લોકબસ્ટર ફિલ્મો (પઠાણ, જવાન અને ડંકી) બેક ટુ બેક આપી છે. હવે શાહરૂખ ખાન તેની આગામી ટાઈટલ ફિલ્મ ‘કિંગ’ની તૈયારી કરી રહ્યા છે. આ ફિલ્મમાં તે તેની પુત્રી સુહાના ખાન સાથે સ્ક્રીન શેર કરતો જોવા મળશે. ફિલ્મ ‘કિંગ’નું નિર્દેશન સુજોય ઘોષ કરશે અને એક્શનની જવાબદારી સિદ્ધાર્થ આનંદને આપવામાં આવી છે. રેડ ચિલીઝ એન્ટરટેઈનમેન્ટ અને સિદ્ધાર્થ આનંદની માર્ફ્લિક્સ એન્ટરટેઈનમેન્ટ સંયુક્ત રીતે તેનું નિર્માણ કરશે.
