મુંબઈ: ‘ખોસલા કા ઘોસલા’, ‘દિલ્લગી’, ‘મોનસૂન વેડિંગ’ અને ‘યે હૈ જિંદગી’ જેવી ઘણી ફિલ્મોમાં કામ કરી ચૂકેલા અભિનેતા પ્રવીણ ડબાસની કાર શનિવારે એક ભયાનક માર્ગ અકસ્માતનો ભોગ બની હતી. આ અકસ્માતમાં પ્રવીણ ડબાસ પણ ગંભીર રીતે ઘાયલ થયા છે. પ્રવીણ ડબાસને હોસ્પિટલમાં દાખલ કરવામાં આવ્યા છે જ્યાં તેમની સારવાર ચાલી રહી છે.
મળતી માહિતી મુજબ પ્રવીણ ડબાસની હાલત નાજુક હોવાનું કહેવાય છે અને તેમને ICUમાં દાખલ કરવામાં આવ્યા છે. પ્રવીણ ડબાસ બોલિવૂડ એક્ટર છે અને તેણે ઘણી ફિલ્મોમાં કામ કર્યું છે. તેમજ વર્ષ 2011માં પ્રવીણ ડબાસે એક ફિલ્મનું નિર્દેશન પણ કર્યું હતું. પ્રવીણે પોતાના કરિયરમાં અત્યાર સુધી 54 થી વધુ ફિલ્મો અને વેબસિરીઝમાં કામ કર્યું છે.
પ્રવીણ ડબાસની પત્નીએ શું કહ્યું?
અભિનેતા પ્રવીણ ડબાસે વર્ષ 2008માં અભિનેત્રી પ્રીતિ સાથે લગ્ન કર્યા હતા. આ અકસ્માત અંગે પ્રીતિએ જણાવ્યું કે પ્રવીણ કાર અકસ્માતનો શિકાર બન્યા છે. જે બાદ તેને બાંદ્રાની હોલી ફેમિલી હોસ્પિટલમાં દાખલ કરવામાં આવ્યા છે. જ્યાં તેની આઈસીયુમાં સારવાર ચાલી રહી છે. પ્રવીણ ડબાસના અકસ્માતના સમાચાર બાદ તેના મિત્રો પણ હોસ્પિટલ પહોંચી રહ્યા છે. પ્રવીણનો પરિવાર પહેલેથી જ હોસ્પિટલ પહોંચી ગયો છે. જણાવવામાં આવી રહ્યું છે કે આ દુર્ઘટના શનિવારે સવારે થઈ હતી. જો કે આ અંગે હજુ વધુ વિગતો બહાર આવી નથી.
50 થી વધુ ફિલ્મોમાં કામ કર્યું છે!
પ્રવીણ ડબાસ બોલિવૂડના વરિષ્ઠ અભિનેતા છે અને તેમણે 50 થી વધુ ફિલ્મો અને વેબસિરીઝમાં કામ કર્યું છે. પ્રવીણે પોતાના કરિયરની શરૂઆત વર્ષ 1995માં ટીવીથી કરી હતી. આ પછી તેણે ટીવી પર કામ કર્યું અને ફિલ્મોમાં એન્ટ્રી લીધી. પ્રવીણ લગભગ 2 દાયકાથી ફિલ્મોમાં વિવિધ પાત્રોમાં જીવ રેડી દે છે. હવે પ્રવીણના અકસ્માતના સમાચાર સાંભળીને મિત્રોમાં ચિંતાનો માહોલ છે. પ્રવીણના સ્વાસ્થ્ય અંગે ટૂંક સમયમાં અપડેટ બહાર આવી શકે છે.
