હૈદરાબાદ: સિકંદરાબાદ કેન્ટોનમેન્ટ વિસ્તારમાં આવેલી ૨૦ બટાલીયન મદ્રાસ રેજિમેન્ટના હાઇ-સિક્યોરિટી મિલિટ્રી એરિયામાંથી વિશાળ માત્રામાં શસ્ત્રો અને દારૂગોળાની ચોરીનો સનસનાટીભર્યો કેસ પોલીસે ઉકેલી નાખ્યો છે. આ ચોરીના મામલે તેલંગાણા પોલીસે આર્મીના જ ૩૭ વર્ષીય નિવૃત્ત હવાલદાર ઉપ્પુથોલ્લા મલ્લેશ (ઉર્ફે રાજુ)ની ધરપકડ કરી છે અને તેની પાસેથી ચોરાયેલા તમામ હથિયારો જપ્ત કર્યા છે.
#WATCH | Hyderabad, Telangana: Police arrested Upputholla Mallesh (37), a retired Havildar of the 20 Battalion, Madras Regiment, for stealing firearms and ammunition from the unit’s Kote and Magazine rooms.
Mallesh, who joined the Army in 2010 and retired on June 30, 2026,… pic.twitter.com/P2epJkeFPW
— ANI (@ANI) September 11, 2026
તેલંગાણાના ડીજીપી સી.વી. આનંદે પત્રકાર પરિષદમાં આપેલી માહિતી અનુસાર, આરોપી મલ્લેશ જૂન ૨૦૨૬માં આર્મીમાંથી નિવૃત્ત થયો હતો. વહેલી નિવૃત્તિ મળવાના કારણે તે નારાજ હતો. આ નારાજગીના કારણે જ તેણે ૩૦ અને ૩૧ ઓગસ્ટની રાત્રે યુનિટની કોટ અને મેગેઝિન રૂમમાંથી ૪ AK-203 એસોલ્ટ રાઇફલ, ૧ ઇન્સાસ (INSAS) રાઇફલ, ૭ પિસ્તોલ, મેગેઝિન્સ, નાઇટ-વિઝન બાઇનોક્યુલર અને અંદાજે ૧,૯૦૦ રાઉન્ડ દારૂગોળો ચોરી કરી લીધો હતો.
તપાસ અધિકારીઓએ સીસીટીવી ફુટેજ અને સેલફોન ડેટાના વિશ્લેષણના આધારે મલ્લેશની હિલચાલ ટ્રેક કરી હતી. ચોરી કર્યા બાદ તે કારમાં શસ્ત્રો છુપાવીને પોતાના વતન નાગરકુરનૂલ જિલ્લાના અમરાબાદ ખાતે લઈ ગયો હતો. જ્યાં તેણે ઘાસના ઢગલામાં અને જમીનમાં ખાડો ખોદીને હથિયારો છુપાવ્યા હતા. પોલીસે સઘન પૂછપરછ બાદ આરોપીની ધરપકડ કરી તમામ જપ્ત કરેલા શસ્ત્રો રિકવર કર્યા છે અને આ મામલે વધુ તપાસ ચાલુ છે.
