મુંબઈ: રણબીર કપૂર ફરી એકવાર લોકોનું દિલ જીતી રહ્યો છે. પરંતુ આ વખતે તેની નાની રાજકુમારી રાહા કપૂર પણ એક ખાસ કારણસર ચર્ચામાં આવી છે. આ વખતે રાહા, જે બે વર્ષની થઈ ગઈ છે, તે ઈન્ટરનેટ પર તેના દેખાવ અને ચહેરાના હાવભાવને કારણે નહીં પરંતુ એક જૂની વાર્તા સામે આવવાને કારણે ચર્ચામાં છે. પોતાની દીકરી વિશે વાત કરતા રણબીરે IFFI ગોવા 2024માં વાતચીત દરમિયાન એક ખૂબ જ રસપ્રદ વાત શેર કરી હતી જે હવે લોકોમાં ચર્ચામાં છે. અભિનેતાએ તાજેતરમાં તેની પુત્રી માટે પહેલું ગીત કિશોર કુમારનું ગાયું હતું તેના વિશે વાત કરી હતી. જે જાણીને ચાહકો ખુશ થઈ ગયા હતાં.પરંતુ જ્યારે રણબીરે એ કહ્યું કે આલિયા ભટ્ટ કિશોર કુમાર વિશે જાણતી નહોતી, ત્યારે બધા ચોંકી ગયા હતાં.
રણબીર કપૂરે ફરી એકવાર સાબિત કરી દીધું કે તેને દરેક પેઢીના લોકો શા માટે પ્રેમ કરે છે. અભિનેતાએ તાજેતરમાં ગોવામાં 55મા ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)માં સ્ટેજ પર ઘણી વાર્તાઓ સંભળાવી. તેની પુત્રી વિશે વાત કરતા, રણબીરે તે સમયને યાદ કર્યો જ્યારે કપૂર પરિવારની જેમ તેણે રાહાને તેના દાદા રાજ કપૂરની પ્રખ્યાત ફિલ્મ ‘અનારી’ નું એક શાનદાર ગીત સંભળાવ્યું, જેણે તેણીને ખુશ કરી દીધી. રાહા માટે તેણે ગાયેલું પહેલું ગીત ‘કિસી કી મુસ્કુરાહટોં પે હો નિસાર’ હતું. આ ગીતના મહત્વ વિશે પણ સમજાવતા તેમણે કહ્યું, ‘જો તમે આ ગીતના શબ્દો ધ્યાનથી સાંભળશો… તો તમને ખબર પડશે કે તે આપણા જીવન સાથે સંબંધિત છે.’
આલિયા ભટ્ટે પૂછ્યું કોણ છે કિશોર કુમાર?
રણબીર કપૂરે વધુમાં જણાવ્યું હતું કે જ્યારે તેની પત્ની આલિયા ભટ્ટ પીઢ સંગીતકાર કિશોર કુમાર વિશે જાણતી ન હતી ત્યારે તેને આશ્ચર્ય થયું હતું. તેણે આલિયાને જણાવ્યું કે તે કોણ છે અને શા માટે તે ફેમસ છે. આ વિશે વાત કરતાં અભિનેતાએ કહ્યું, ‘આ જીવનનું ચક્ર છે. લોકો ભૂલી જાય છે અને પછી નવો કલાકાર આવે છે. રણબીરે આગળ કહ્યું,’મને લાગે છે કે આપણે આપણા મૂળને યાદ રાખવું ખૂબ જ જરૂરી છે. માત્ર રાજ કપૂર કે કિશોર કુમાર જ નહીં પરંતુ આવા ઘણા ફિલ્મ નિર્માતાઓ અને કલાકારો છે જેમનું આપણે હંમેશા સન્માન કરવું જોઈએ અને આજે મને આ બધું કહેવાની તક આપવા બદલ હું IFFIનો આભારી છું.’
