વિનેશ ફોગાટને લઈને નિરજ ચોપરાએ આપ્યું પહેલી વખત નિવેદન

વિનેશ ફોગાટે 50 કિલોગ્રામ રેસલિંગ ઈવેન્ટની ફાઇનલમાં પહોંચી હતી, પરંતુ ગોલ્ડ મેડલ મેચ પહેલા તેનું વજન 100 ગ્રામ વધારે હતું જેના કારણે તેને અયોગ્ય જાહેર કરવામાં આવી હતી. જોકે, વિનેશે તેને સિલ્વર મેડલ આપવા માટે સ્પોર્ટ્સ ટ્રિબ્યુનલને અપીલ કરી છે, જેના પર શનિવારે રાત્રે નિર્ણય આવી શકે છે. બે વખતના ઓલિમ્પિક મેડલ વિજેતા ભારતના સ્ટાર ભાલા ફેંકના ખેલાડી નીરજ ચોપરાએ લોકોને અપીલ કરતા કહ્યું કે તેઓ મહિલા કુસ્તીબાજ વિનેશ ફોગટના યોગદાનને ભૂલશો નહીં.

તમે મેડલ નહીં લાવો તો લોકો ભૂલી જશે

પેરિસ ઓલિમ્પિકમાં સિલ્વર મેડલ જીતનાર નીરજે કહ્યું કે, આપણે બધા જાણીએ છીએ કે જો વિનેશ મેડલ મેળવે તો ઘણું સારું રહેશે. જો આ સ્થિતિ ઉભી ન થઈ હોત તો તે ચોક્કસપણે મેડલ જીતવામાં સફળ રહી હોત. જો આપણે મેડલ ન જીતીએ તો લોકો આપણને થોડા સમય માટે યાદ રાખે છે અને ચેમ્પિયન કહે છે, પરંતુ જો આપણે મેડલ ન જીતીએ તો તેઓ આપણને ભૂલી જાય છે. હું લોકોને એટલું જ કહેવા માંગુ છું કે વિનેશે દેશ માટે જે કર્યું છે તે આપણે ભૂલવું જોઈએ નહીં.

ભારત 2036 ઓલિમ્પિકની યજમાની કરવાની યોજના બનાવી રહ્યું છે. તેના પર નીરજે કહ્યું કે, જો ભારતમાં 2036માં ઓલિમ્પિકનું આયોજન કરવામાં આવે છે તો આનાથી વધુ સારું શું હશે. ભારતીય રમતો માટે આ ઘણું સારું રહેશે. તે જોઈને આનંદ થયો કે લોકો અમારી મેચો લાઈવ જોઈ રહ્યા છે. તેઓ અમારી સ્પર્ધા જોવા માટે વહેલા ઉઠે છે અને મોડેથી ઊંઘે છે. આ એક સંકેત છે કે ભારતીય રમતમાં પરિવર્તન આવી રહ્યું છે.

RELATED ARTICLESMORE FROM AUTHOR