શાંઘાઈઃ આંતરરાષ્ટ્રીય યોગ દિવસ 2025ના પૂર્વે 50 દિવસની ઊલટી ગણતરી અંતર્ગત શાંઘાઈમાં આવેલા ભારતીય દૂતાવાસ દ્વારા ‘બાળકો માટે યોગ જાગૃતિ સત્ર’નું આયોજન કરવામાં આવ્યું હતું. આ કાર્યક્રમનું નેતૃત્વ કોન્સલ પ્રતીક માથુરે કર્યું હતું અને તેમાં ભારતીય સંસ્થાનું પ્રતિનિધિત્વ કરતી ઇન્ડિયન એસોસિયેશને શાંઘાઈના સહયોગથી કર્યું હતું.
આ સત્રમાં શાંઘાઈમાં રહેતા ભારતીય સમુદાયનાં બાળકોએ ઉત્સાહભેર ભાગ લીધો. આ બાળકોએ યોગાસન, પ્રાણાયામ અને ધ્યાન જેવી પ્રવૃત્તિઓ શીખી અને યોગના લાભોની જાણકારી મેળવી હતી.
પ્રતીક માથુરે બાળકોને સંબોધિત કરતાં જણાવ્યું હતું કે બાલ્યાવસ્થાથી જ યોગને જીવનનો ભાગ બનાવવો ખૂબ જ જરૂરી છે. તેમણે આ વર્ષની થીમ “એક ધરતી, એક આરોગ્ય માટે યોગ”નો ઉલ્લેખ કરતાં યોગને તંદુરસ્ત અને સંતુલિત જીવન માટેનું સાધન ગણાવ્યું હતું.
આ કાર્યક્રમ ભારત સરકારની આંતરરાષ્ટ્રીય પહેલનો એક ભાગ છે, જેનો ઉદ્દેશ વિશ્વમાં યોગનો પ્રસાર કરવો છે. આ કાર્યક્રમના અંતે બાળકોએ દરરોજ યોગ કરવાનો સંકલ્પ કર્યો હતો.
